Einar Østby () i Vinger var ein norsk langrennsløpar som gjorde sin beste prestasjon då han vann bronsemedaljen på 15 km under verdsmeisterskapen 1962 i Zakopane. Østby var med på det norske stafettlaget som fekk sølvmedalje på 4 x 10 km stafett under Vinter-OL 1960 i Squaw Valley, bak Finland. Dei andre på laget var Harald Grønningen, Hallgeir Brenden og Håkon Brusveen. Østby gjekk også på det norske stafettlaget under meisterskapa i både 1962 og 1964.
Østby vart aldri noregsmeister, men fekk med seg fem sølvmedaljar frå noregsmeisterskap. Tre av NM-medaljane kom på 15 km, alle etter Østby hadde lege i sekundstrid med vinnaren. Nærast var han i 1963, då han kom i mål 3,3 sekundar etter Reidar Hjermstad. Men også i 1960 og 1964 var han færre enn ti sekundar bak noregsmeisteren på distansen. Østby var medlem av Jaren Idrettslag.
Medaljar og besteplasseringar i internasjonale meisterskap og renn 1960: Delt 4. plass på 15 km, og sølvmedalje på stafetten under OL i Squaw Valley 1961: Nr 6 på 15 km i Holmenkollen 1962: Bronsemedalje på 15 km og nr 5 på 30 km i VM i Zakopane, fjerdeplass på stafetten 1963: Nr 2 på 50 km i Holmenkollen 1964: Nr 7 på 50 km og 8 på 30 km under OL i Innsbruck, fjerdeplass på stafetten 1965: Nr 7 på 30 km i Falun
Medaljar og besteplasseringar i norgesmeisterskap Ski-NM 1959: Nr 6 på 15 km på Gjøvik Ski-NM 1960: Sølvmedalje på 15 km i Nedre Eiker Ski-NM 1961: Nr 4 på 15 km på Røros Ski-NM 1962: Nr 5 på 30 km i Skien Ski-NM 1963: Sølvmedalje på både 15 km og 30 km i Rælingen Ski-NM 1964: Sølvmedalje på både 15 km og 30 km på Voss Ski-NM 1965: - Ski-NM 1966: Nr 9 på 15 km på Hernes Ski-NM 1967: Nr 10 på 15 km i Skorovatn Ski-NM 1968: Nr 8 på 30 km i Bærum Ski-NM 1969: Nr 9 på 30 km på Gjøvik
Kjelder Sportsboken, aktuelle årgangar
Kategori:Norske langrennsløparar Kategori:Olympiske sølvmedaljevinnarar for Noreg Kategori:Medaljevinnarar under vinter-OL 1960 Kategori:Norske deltakarar under vinter-OL 1960 Kategori:Langrennsløparar under vinter-OL 1960 Kategori:Norske deltakarar under vinter-OL 1964 Kategori:Langrennsløparar under vinter-OL 1964 Kategori:Folk frå Kongsvinger