Faisalabad (tidl. Lyallpur) er den tredje største byen i Pakistan, etter Karachi og Lahore. Byen ligg i provinsen Panjab, 110 km vest for Lahore. Han er eit knutepunkt for handel og samferdsel i eit stort jordbruksdistrikt, har eit landbruksuniversitet og fleire høgskular. Byen hadde 1 977 000 innbyggjarar i 1998.
Næringsliv og kommunikasjon Faisalabad har ein allsidig industri med produksjon av mellom anna tekstilar, kunstfiber, kunstgjødsel, legemiddel, hermetikk, såpe og næringsmiddel som ghi (klarna smør). I landbruksområda rundt dyrkar ein bomull, kveite, frukt og grønsaker.
Faisalabad er eit knutepunkt for vegar og jernbane. Faisalabad internasjonale lufthamn ligg ei mil utanfor sentrum.
Soge Byen blei grunnlagd av britane i 1890, med namnet Lyallpur etter Sir Charles James Lyall. I 1979 endra han namn til Faisalabad, etter kong Faisal av Saudi-Arabia.
Kjelder
Denne artikkelen bygger på «Faisalabad» frå , den 19. mars 2010.
Bakgrunnsstoff
Kategori:Byar i Pakistan Kategori:Panjab i Pakistan