Sjøredningskorps

Sjøredningskorps har i Noreg vorte oppretta for å drive aktivt sjøredningsarbeid, og å gi ålmenta opplæring og trening i tryggleik til sjøs. Det er Redningsselskapet som har oppretta og driv dei 24 redningskorpsa, med til saman 1200 frivillige.

I 1980-åra vart det gjort ulike forsøk på å starte sjøredningskorps ulike stader i landet. Desse forsøka førte ikkje fram. I Trondheimsfjorden og på Mjøsa var det redningsfartøy som vart bemanna av frivillige. Desse to redningsskøytene RS «Jaycees» (RS 98) og RS «G.J.Kastor» (RS 97) vart bemanna av frivillige utan at drifta var organisert som sjøredningskorps. I 1996 oppretta Redningsselskapet eit sjøredningskorps i Arendal. Dette var meint som ei prøveordning. Forsøket var vellukka og fleire korps har vorte oppretta. Det har og vorte oppretta slike korps ved innsjøane Mjøsa og Femunden.

Sjøredningskorpsa disponerer mindre fartøy som er bygde for stor fart, og som har vassjet som framdrift i staden for propell. Desse fartøya vert bemanna av frivillig mannskap som er medlemmer av Redningsselskapet. Sjøredningskorpsa er basert på heilårsdrift og er eit supplement til dei fast bemanna redningsskøytene.

Oversikt over sjøredningskorps og fartøy: LandsdelSjøredningskorpsFartøyNord-NoregAltaRS 145 VekterenTromsøRS 128 GideonHarstadRS 122 Simrad FærderBrønnøysundRS 144 Uni HelgelandMidt-NoregNamsosRS 124 HvalerLevangerRS Båt 16TrondheimRS 131 UniRS 164 Jens ByeFemundenRS 149 Uni RørosVestlandetAukraRS 141 MærskÅlesundRS 154 Det Norske Veritas IIMåløyRS 123 Simrad BuholmenMongstadRS 130 UtværBergenRS 140 Bjarne KyrkjebøStordRS 120 SundtSørlandetStavangerRS 151 SjømannMandalRS 157 BillKristiansandRS 155 Bendt R. RasmussenLillesandRS 165 AskeladdenAustlandetKragerøRS 143 Uni KragerøSkjebergRS 166 Horn StayerTønsbergRS 156 Eivind EckboMossRS 159 EliasHortenRS 135 Kaptein Egil J. NygårdOsloRS 139 Uni OslofjordRS 161 Einar Staff SrMjøsaRS 148 Mjøsvekteren Kjelder

Kategori:Redningsselskapet