Ole Halvorsson Mjelva () var ein norsk gardbrukar, spekulant og stortingsmann frå Romsdal.
Mjelva var fødd i Grytten (dagens Rauma kommune) i Romsdal. Far hans, Halvor Halvorsson Ophus, dreiv handverk og kjøpte garden Mjelva, som sonen Ole overtok.
Mjelva var 3. representant frå Romsdals amt på Stortinget i 1836 og på det overordentlege storting 1836-37. I 1836 var han medlem av budsjettkomiteen.
Gjennom mislukka økonomiske spekulasjonar og rettarganger vart Mjelva nøydd til å selje Mjelva-garden og flytta så i 1841 til Bud i Romsdal. Året etter, 1842, forsvann han etter å ha reist ut på ein fisketur. Rykta ville ha det til at han rømde til Tyskland for å verte fri gjeldskrava som var reist mot han.
Kjelder Lindstøl, Tallak: Stortinget og Statsraadet 1814-1914. Kristiania, 1914
Kategori:Stortingsrepresentantar 1836-1838 Kategori:Stortingsrepresentantar for Møre og Romsdal Kategori:Norske gardbrukarar frå 1800-talet Kategori:Folk frå Rauma