Andreas Michael Heiberg () var ein norsk embetsmann og eidsvollsmann.
Heiberg var fødd på Straumsnes ved Bergen. Faren var fut då Anders Michael kom til verda, seinare var han amtmann på Bornholm i Danmark. Sonen voks opp der, og tok i 1789 dansk juridisk eksamen. Han var så byfut i Svaneke på Bornholm og samstundes heradsfut i Østre Herred i 14 år. Frå 1810 var han byfut og byskrivar i Fredrikstad.
I 1814 var Heiberg utsending frå Fredrikstad på riksforsamlinga på Eidsvoll. Der høyrde han til dei moderate i sjølvstendepartiet.
Heiberg døydde i Fredrikstad, mindre enn eitt år etter riksforsamlinga.
Kjelder Tallak Lindstøl: Stortinget og Statsraadet 1814-1914. Kristiania, 1914, side 360, digital utgåve
Kategori:Eidsvollmenn Kategori:Norske futar Kategori:Folk frå Bergen