Jakob Tøkersen Hoff () var ordførar i Ørland 1882-1916 og stortingsrepresentant for Venstre 1892–1906 og 1910–12.
Hoff dreiv fiskje i yngre år. I 1870 tok han over farsgarden på Hov i Opphaug og dreiv han til 1916.
Hoff var medlem av heradsstyret 1878-1919, ordførar 1882-1916. Han var forlikskommissær 1882-1900, samt både styreformann og seinare ordførar i representantskapet den lokale sparebanken.
Hoff var stortingsmann for Søndre Trondhjems amt 1892–1906 og for Indre Fosen krins 1910-12. På alle tingsamlingane var han medlem av kyrkjekomiteen, sekretær 1900-05 og 1910-12. Elles var han medlem av valkomiteen 1898-1906 og 1910-12, og av spesialkomiteen i 1905. I 1906 var han medlem av deputasjonen som Stortinget sende til kongekryninga i Trondheim i 1906.
Han vart tildelt 7. juni-medaljen og Borgardådsmedaljen.
Hoff døydde på garden sin i 1924. Ein minnestein over han er reist på Ørland kyrkjegard.
Kjelder Lindstøl, Tallak: Stortinget og Statsraadet 1814-1914. Kristiania, 1914
Kategori:Stortingsrepresentantar 1892-1894 Kategori:Stortingsrepresentantar 1895-1897 Kategori:Stortingsrepresentantar 1898-1900 Kategori:Stortingsrepresentantar 1901-1903 Kategori:Stortingsrepresentantar 1904-1906 Kategori:Stortingsrepresentantar 1910-1912 Kategori:Stortingsrepresentantar for Søndre Trondhjems amt Kategori:Stortingsrepresentantar frå Venstre Kategori:Ordførarar i Ørland Kategori:Medaljen for borgardåd Kategori:Norske gardbrukarar frå 1800-talet Kategori:Norske gardbrukarar frå 1900-talet Kategori:Folk frå Ørland