Erik Thorstvedt () i Stavanger) er ein norsk tidlegare fotballspelar. Han var målvakt og aktiv på nasjonalt og internasjonalt nivå frå 1981 til 1996. Thorstvedt debuterte i på det norske fotballandslaget i ein kamp mot Kuwait (Resultat: 0–1) 13. november 1982. Han var førsteval mellom målstengene på landslaget i 13-14 år, og spela 97 A-landskampar, den siste i 1996.
Thorstvedt spela for klubbane Madla, Eik, Viking, Borussia Mönchengladbach, IFK Göteborg og Tottenham. Han var tapande cupfinalist med Viking i 1984 – ein kamp som vert særleg hugsa grunna eit frisparkmål av Per Egil Ahlsen. Sidan var han med å vinne to svenske seriemesterskap for IFK Göteborg, og vart i 1991 den første nordmann som vart cupmeister i England med Tottenham. Thorstvedts keeperdrakt og FA-cupmedalje er i dag utstilt på Fotballmuseet på Ullevaal stadion.
Etter han slutta som spelar var Thorstvedt keepertrenar på det norske landslaget og sportsdirektør i Viking. I dag er han programleiar i sportsavdelinga i fjernsynsselskapet TV2.
Merittar Vinnar av FA-cupen: 1991 med Tottenham Hotspur
Kjelder eu-football
Kategori:Norske landslagsspelarar i fotball Kategori:Viking-spelarar Kategori:Borussia Mönchengladbach-spelarar Kategori:IFK Göteborg-spelarar Kategori:Tottenham-spelarar Kategori:Målvakter i fotball Kategori:Norske deltakarar under sommar-OL 1984 Kategori:Fotballspelarar under sommar-OL 1984 Kategori:Spelarar i Fotball-VM 1994 Kategori:Vinnarar av Kniksenprisen Kategori:Programleiarar for TV2 Kategori:Folk frå Stavanger