«Four Strong Winds» er ein song skriven av Ian Tyson tidleg i 1960-åra. Han vart først spelt inn av The Brothers Four i 1963 og så av Ian and Sylvia på eit album med same namn i april 1964.Ian og Sylvia Re-Releases og Discography Songen gjorde det bra på listene i Canada.30 Years of Canadian Chart Listings - #9 on 28 oktober 1963
Songen er ein melankolsk ettertanke om eit mislukka forhold. Songaren uttrykket ønske om å kanskje kome saman med denne personen igjen ein gong i framtida, men innser at forholdet mest truleg er over.
Denne klassiske visa er spelt av mange artistar, som Neil Young på albumet hans Comes a Time i 1978. Young spelte òg songen i lag med The Band på den kjende The Last Waltz-konserten deira. Andre artistar som har spelt songen er Sarah McLachlan, Hank Snow, The Seekers, Judy Collins, the Chad Mitchell Trio, Bob Dylan, Marienne Faithfull, The Searchers, Teenage Fanclub, John Denver, Bobby Bare, The Brothers Four, The Kingston Trio, Trini Lopez, Waylon Jennings, Chad and Jeremy, The Tragically Hip, Joan Baez, Vanity Fare, Johnny Cash og The Carter Family. Songen var ein hit for Bobby Bare i 1964. Han var òg ein stor hit i Noreg i 1966 med den norske versjonen «Mot ukjent sted» av The Vanguards og ein stor hit i Sverige i 1967 med den svenske versjonen «Mot okänt land» av The Hep Stars.
I 2005 kåra lyttarane av CBC Radio One songen til den største kanadiske songen gjennom tidene.
Kjelder Denne artikkelen bygger på «Four Strong Winds» frå , den 28. oktober 2010. oppgav desse kjeldene:
Bakgrunnsstoff «Four Strong Winds» i The Canadian Encyclopedia
Kategori:Songar frå 1963 Kategori:Bob Dylan-songar Kategori:Johnny Cash-songar Kategori:Neil Young-songar Kategori:Bobby Bare-songar Kategori:The Searchers-songar