Femtiøring eller femtiøre er ein mynt som vart utmynta i Noreg frå 1874 til 2012.
Mynten har på adversen hatt eit portrett av den regjerande monarken, ei riksløve, eller fire kongemonogram mot kvarandre. Under andre verdskrigen hadde mynten på adversen det norske riksvåpenet utan krone, omgjeve av olavsmerket og med teksten «NORGE».
På reversen hadde mynten dei to fyrste åra teksten «50 øre/15 sk» og eit riksvåpen, sidan «50 øre» i ulike variantar kombiert med riksvåpen eller kongekrone, før mynten frå 1958 til 1973 hadde biletet av ein buhund og teksten «50 øre-Norge». Frå 1996 hadde reversen hatt bilete av eit fabeldyr frå portalen på Urnes stavkyrkje, og til høgre for motivet teksten «50 ØRE, NOREG» og pregeåret i omskrift. 50-øringen frå 1996 var den fyrste norske mynten med nynorsk tekst.
Frå 1924 til 1951 vart koparnikkel- og nikkelmessing-mynten prega som særskiljemynt med hol midt i mynten. Då dei byrja å prege myntar med hol, vart eldre skiljemyntar i koparnikkel, prega mellom 1920 og 1923, gjennomhola i ettertid.
50-øringen slutta å vere tvunge betalingsmiddel 1. mai 2012 av di han i praksis ikkje lenger sirkulerte som ein ordinær betalingsmynt. Kontant oppgjer vil no avrundast til næraste heile krone.
+ Norske femtiørar Myntherre Metall Vekt Sølvvekt Utmynta år Kunstnar Oskar II sølv 5,00 g 3,00 1874-1904 Håkon VII sølv 5,00 g 3,00 1909-1919 Håkon VII koparnikkel 4,80 g 1920-23,1926-41, 1945-49, 1953-57 Håkon VII nikkelmessing 4,80 g 1942 Okkupasjonsmynt sink 4,00 g 1943-1945 Olav V koparnikkel 4,80 g 1958-1973 Per Palle Storm Olav V koparnikkel 4,80 g 1974-1991 Øivind Hansen Harald V koparnikkel 4,80 g 1992-1996 Øivind Hansen Harald V kopar 3,60 g 1996-2012 Grazyna Jolanta Lindau
Kjelder Norges mynter 1814-1995 ISBN 82-7319-127-3 Referansar
Bakgrunnsstoff 50 øre Harald V 50-øre Haakon VII Norges Bank - 50-øringen fjernes 1. mai 2012
Kategori:Historisk mynt Kategori:Norske myntar Kategori:Skipingar i 1874 Kategori:Nedleggingar i 2012