Horne er ein matrikkelgard i Hyllestad kommune i Sogn og Fjordane fylke. Garden har matrikkelnummer 17.
Geografi Horne ligg opp mot grensa til Fjaler kommune og grensar i sør til Ramsgrø og Hydalen, og i vest til Liane. Fylkesveg 607 går over garden.
Historie Fyrst på 1600-talet var det eitt bruk på Horne, seinare i hundreåret vart det skilt ut eitt til, og på 1800-talet vart tre husmannsplassar skilde ut som eigne bruk. Det har vore drive tjørebrenning og sagbruk på Horne, og garden har hatt sagbruk og det har vore produsert fisketunner.
Namnet Gardsnamnet skal kome av at Loneelva gjer ein sving der, og har med 'hjørne' å gjere.
I kjeldene er namnet skrive «Horne» (1603), «Hornn» (1608), «Horn» (1667) og «Horne» (1723).
Bruk nr. 2 heiter Kvia (tidlegare skrive Kvien og Hornekvien), bruk nr. 4 heiter Hornslia (tidlegare skrive Lien, og Hornelien), og bruk nr. 5 heiter Hornsdalen (tidlegare skrive Dalen og Hornedalen).
Horne er brukt som gardsnamn fleire andre stader i landet.
Statens kartverk godkjende skrivemåten «Horne» i 1986.
Gardsnamnet vert også brukt som slektsnamn.
Sjå òg Matrikkelgardar i Hyllestad kommune
Kjelder
Vidare lesnad
Bakgrunnsstoff «Horne» i Gardsleksikonet på nettstaden til Sogn og Fjordane Fylkesarkiv «Horne» i matrikkelutkastet av 1950 «Horne» i gardsmatrikkelen for 1886
Kategori:Gardar i Hyllestad