Hanna Marie Resvoll-Holmsen () var ein norsk botanikar og tidleg naturvernforkjempar frå Vågå. Ho studerte norske naturområde som Svalbard og norsk fjellflora, og kjempa for vern av desse områda. Resvoll-Holmsen gav ut fleire verk om naturen, og etterlét seg ei større fotografisamling.
Verk mini|venstre|Alkhornet i Isfjorden, fotografert i 1907. mini|Landskap ved Målselv (1912). Autokromfotografi. Resvoll-Holmsen var kjent for studia sine av faunaen på Svalbard (1907-1910). Den første ekspedisjonen ho drog på var leia av prins Albert I av Monaco. I 1909 reiste ho mellom anna saman med polarforskaren Hjalmar Johansen til Spitsbergen. Fotografia hennar derfrå, delvis med fargar, er blant den første dokumentasjonen av naturen på Svalbard. Studia er dokumentert i avhandlinga hennar til cand.real.-graden i 1910, Observations botaniques (1913) og Om betingelserne for Spitsbergens planteliv (1920). I 1927 gav ho ut Svalbards Flora (1927), den første floraen for øygruppa.
Hanna Resvoll-Holmsen hadde eit universitetsstipendiat (1915-1920) og var seinare dosent i plantegeografi (1921-1938).
Ved hjelp av økologipioneren Christen C. Raunkiær sine kvantitative metodarShimwell, D.W. (1971) The Description and Classification of Vegetation. Sidgwick & Jackson, London. utførte Resvoll-Holmsen ein større studie av norsk alpin flora som resulterte i verket Om fjeldvegetationen i det østenfjeldske Norge (1920). Ho var særleg interessert i subalpin bjørkeskog.
Den botaniske forkortinga til Resvoll-Holmsen er Resv.-Holms.ipni.org
Soleiearten Ranunculus resvoll-holmseniae er kalla opp etter henne.
Naturvern Saman med geologen Adolf Hoel stod ho bak skipinga av det første verneområdet på Svalbard.
I pamfletten Om betydningen av det uensartede i våre skoger kritiserte ho nyplanting av granskog og talte for vern av den naturlege fjellskogen. Engasjementet gjorde henne lite populær blant skogbruksfolk. Seinare kjempa ho mot oppdemming av Gjende og Sjoavassdraget ved Besseggen. Resvoll-Holmsen sitt engasjement for å bevara Gjende, Bygdin og Sjoa på 1920-talet gav henne tilnamnet «den første naturverner». 4. juli 2009 vart ein minnestein over Hanna Resvoll-Holmsen avduka ved Gjendesheim.
Familie mini|Hanna Resvoll-Holmsen og Gunar Holmsen på terrasen i heimen «Yoldia» mellom 1930 og 1935. Hanna Marie Resvoll-Holmsen var syster til botanikaren Thekla Resvoll.
Resvoll-Holmsen var først gift med Hans Dieset, som ho skilde seg frå i 1901. I 1909 gifta ho seg med statsgeologen Gunnar Holmsen (1880–1976). Han var bror til systera sin ektemann, og hadde også reist til Svalbard. Dei fekk sonen Per Holmsen budde i ein villa kalla Yoldia i Skådalen i Oslo.
Utgjevingar
Les observations botaniques de la campagne scientifique de S.A.S. le Prince Albert 1er de Monaco. La misión Isachsen au Spitzberg 1907. Monaco, 1910. Observations botaniques (1913) Om betingelserne for Spitsbergens planteliv (1920) Om fjeldvegetationen i det østenfjeldske Norge (1920) Svalbards Flora - med en del om dens plantevekst i nutid og fortid (1927) Om betydningen av det uensartede i våre skoger. Tidsskrift for Skogbruk 1932, 40: 270-275.
Bilde av Hanna Resvoll-Holmsen
Kjelder
Denne artikkelen bygger på «Hanna Resvoll-Holmsen» frå , den 27. oktober 2013. Denne artikkelen bygger på «Hanna Resvoll-Holmsen» frå , den 28. januar 2017. oppgav desse kjeldene: Obituary by Christophersen, E. in Blyttia 1: 100-102 (1943). Eckblad, F.-E. (1991) Thekla Resvoll og Hanna Resvoll-Holmsen, to glemte? Pionerer i norsk botanikk. Blyttia 49: 3-10. Biography by Bredo Berntsen & Inger Nordal in Norsk biografisk leksikon, Oslo: Kunnskapsforlaget (1999–2005) Berntsen, Bredo (2006) En grønnstrømpe og hennes samtid: Hanna Resvoll-Holmsen: botaniker, Svalbard-forsker, fjellelsker, fotograf og naturvernpioner. ISBN 82-8030-008-2
Bakgrunnsstoff Tilgjengeleg på Internett almamatersdotre.no har bilder og kort biografi Inger Nordal og Bredo Berntsen: «Hanna Resvoll-Holmsen» i Norsk Biografisk Leksikon
Trykt materiale Bredo Berntsen. En grønnstrømpe og hennes samtid : Hanna Resvoll-Holmsen: botaniker, Svalbard-forsker, fjellelsker, fotograf og naturvernpioner. Ossiania Vitenskapsforlag, 2006. ISBN 82-8030-008-2 Finn-Egil Eckblad, «Thekla Resvoll og Hanna Resvoll-Holmsen, to glemte? - pionerer i norsk botanikk» I: Blyttia 49:3-10 (1991)
Kategori:Norske økologar Kategori:Norske botanikarar Kategori:Folk frå Vågå