Lorentz Jakob Pareli Holmgren () var ein norsk skulemann og stortingsmann frå Kvalsund i Finnmark. Han representerte Høgre på Stortinget.
Holmgren var son til ein fiskar og gardbrukar. Sjølv gjekk han Tromsø Seminarium, eksamen 1861. Åra 1861-64 var han lærar i bygdene kring Hammerfest. Perioden 1864 til 1875 var han lærar i Kistrand, medan han 1875-87 var lærar i Bossekop. Frå 1887 var han styrar for folkeskulen i Hammerfest og kyrkjesongar i byen. Då lagmannsrettane kom i gang, fungerte han som rettstolk i samisk og finsk språk.
Holmgren var ordførar i Kistrand 1869-73 og i Alta 1878-82. Han var 1870-72 medlem av forlikskommisjonen i Kistrand og 1885-87 i Alta. I Alta var han sparebankdirektør og frå 1889 medlem av bystyret i Hammerfest.
Holmgren var 1. representant frå Finmarkens amt på Stortinget 1886-88, medlem av vegkomiteen. Perioden 1892-94 var han varamann for krinsen Hammerfest, Vardø og Vadsø.
Han døydde i Hammerfest i 1909.
Kjelder Lindstøl, Tallak: Stortinget og Statsraadet 1814-1914. Kristiania, 1914
Kategori:Stortingsrepresentantar for Finnmark Kategori:Stortingsrepresentantar frå Høgre Kategori:Stortingsrepresentantar 1886-1888 Kategori:Ordførarar i Kistrand Kategori:Ordførarar i Alta Kategori:Norske lærarar Kategori:Folk frå Kvalsund