Håvard Skorstad () er ein tidlegare norsk langrennsløpar. Han markerte seg som langrennar fyrst i 1998-sesongen, då han vann bronsemedaljen på 10 km under noregsmeisterskapen, mindre enn åtte sekundar bak vinnaren Anders Eide og vel to sekund bak Tor Arne Hetland. Seinare same sesongen debuterte han i verdscupen på femmila i Holmenkollen med 51. plass. Dei neste åra vart det få startar i verdscupen, fyrst i 2001 vart det fleire renn på han. Ein 11. plass i Holmenkollen var største prestasjonen. 2002-sesongen vart Skorstads beste sesong, med sølvmedalje på NM-tremila bak Odd-Bjørn Hjelmeset, og ein femteplass i Birkebeinerrennet, som det året var verdscuptevling. Han gjekk sitt siste verdscuprenn i Kuusamo, seint i 2004. Seinare satsa han mest på dei verkeleg lange løpa, har fleire gongar hevda seg i Vasaloppet. På topplan tevla han for Ski- og fotballklubben Lyn og for Rustad Idrettslag.
Besteplasseringar i internasjonale renn 2001: Nr 11 på 50 km i Holmenkollen 2002: Nr 5 på 58 km, Rena-Lillehammer
Medaljar og besteplasseringar i noregsmeisterskap Ski-NM 1998: Bronsemedalje på 10 km i Alta Ski-NM 1999: Ski-NM 2000: Nr 5 på 30 km i Vang Ski-NM 2001: Nr 6 på 30 km, Steinkjer Ski-NM 2002: Sølvmedalje på 30 km i Høydalsmo
Kjelder Sportsboken, aktuelle årgangar
Bakgrunnsstoff Håvard Skorstad i fis-ski.com
Kategori:Norske langrennsløparar