mini|Gonadane i glasmanet er synlege som fire ringar i den gjennomsiktige kroppen. Kjønnskjertel eller gonade er eit organ i forplantingssystemet som produserer kjønnsceller. Hjå nokre dyr blir det også danna kjønnshormon i gonadane. Det er rekna som eit primært kjønnsorgan. Gonadane utviklar seg frå eit ukjønna utgangspunkt i embryoet.
Hjå virveldyr er gonadane eggstokkar hjå hodyr og testiklar hjå hanndyr. Funksjonen til gonadane blir styrt av luteiniserande hormon (LH) og follikkelstimulerande hormon (FSH) som blir skild ut i adenohypofysen etter påverknad frå gonadoliberin som er kontrollert av hypotalamus.
Kjelder
Denne artikkelen bygger på «Gonad» frå , den 28. februar 2011.
Kategori:Kjertlar Kategori:Kjønnsorgan Kategori:Det endokrine systemet