«I Put a Spell on You» er ein song frå 1956 skriven av Screamin' Jay Hawkins. Innspelinga hans vart vald ut av Rock and Roll Hall of Fame som ein av 500 songar som forma rock and roll. Han vart òg rangert på 313. plass av Rolling Stone på lista deira over dei 500 største songane gjennom tidene.
Sjølv om Hawkins-versjone ikkje nådde nokre av listene, har fleire seinare versjonar gjort dette. Nina Simone si utgåve nådde 23. plass på R&B-lista i 1964, samt 49. plass i Storbritannia same året og 28. plass i 1969, då singelen vart gjeven ut på ny. Versjonen til The Alan Price Set nådde 9. plass i Storbritannia i 1966 og 80. plass på Billboard Hot 100 i USA. Creedence Clearwater Revival si utgåve nådde 58. plass i USA i 1968. I Storbritannia nådde Bryan Ferry si utgåve 18. plass i 1993, medan versjonen til Sonique nådde 36. plass i 1998 og 5. plass då singelen vart gjeven ut på ny i 2000. Songen er òg spelt inn av mange andre artistar.
Originalutgåva Hawkins hadde opphavleg tenkt å spele inn «I Put a Spell on You» som ein fin kjærleikssong, ein bluesballad. Han sa derimot at «produsenten førte inn ribber og kylling og alle vart fulle, og me kom ut med denne rare versjonen Eg hugsar ikkje ein gong innspelinga av songen. Før var eg berre ein normal bluessongar. Eg var berre Jay Hawkins. Alt fall liksom på plass. Eg fann ut at eg kunne gjere meir med å øydeleggje ein song og skrike han til døde.»
Somme kjelder hevdar at «I Put a Spell on You» vart gjeve ut før 1956 i ein rolegare form, men dette har ikkje vorte stadfesta.
«I Put a Spell on You» vart ein rask suksess, trass i at han vart bannlyst frå enkelt butikkar og radiostasjonar. Ein mjukare versjon, utan lydar som vart rekna som «kannibalistiske», nådde ikkje lista, men førte Hawkins i lag med Alan Freed og hans «Rock and Roll Review».
Fram til då hadde Hawkins vore ein bluesartist; full av kjensler, men ikkje vill. Freed foreslo eit kunstgrep for å dra fordel av den «vanvittige» stilen på «I Put a Spell on You». Hawkins gjekk med ei lang kappe og dukka opp på scenen stigande ut av ei kiste mellom røyk og tåke.
Denne var ein sensasjon, som seinare vart vidare utarbeida for scenen med mellom anna hovudskallar. Den teatralske framføringa var ein av dei første sjokkrockframføringane, og grunnlaget for mykje av det som seinare kom i rock and roll, inkludert Dr. John, Alice Cooper, Eric Burdon, Screaming Lord Sutch, Warren Zevon, Arthur Brown, Black Sabbath, Ted Nugent, George Clinton, The Butthole Surfers, The Cramps og Marilyn Manson.
Shane MacGowan and Friends
Shane MacGowan, Nick Cave, Bobby Gillespie, Chrissie Hynde, Mick Jones og Johnny Depp på gitar slo seg saman og spelte inn ein versjon av «I Put A Spell On You» til støtte for Haiti etter jordskjelvet i 2010. Songen var berre tilgjengeleg via nedlasting frå nettet.http://www.prefixmag.com/media/shane-macgowan-and-friends/i-put-a-spell-on-you-haiti-charity-song-video/37970/http://www.mojo4music.com/blog/2010/03/watch_shane_macgowan_friends_i.html
Dei som spelte på songen var Vokal: Shane MacGowan Nick Cave Bobby Gillespie Glen Matlock Chrissie Hynde Paloma Faith Eliza Doolittle Laura White Gitar: James Walbourne Mick Jones Johnny Depp Bass: Cait O'Riordan Hammondorgel/piano: Carwyn Ellis Trommer: Rob Walbourne Brannhydrant: Mick Jones
Andre versjonar
«I Put a Spell on You» har vorte spelt inn av mange andre artistar, kanskje mest kjend av Nina Simone i 1965 på albumet I Put A Spell On You og av Bette Midler i filmen Hocus Pocus, men òg av artistar som Logan Kendell (med Jessie Crystal) Arthur Brown Alan Price The Animals Natacha Atlas Audience Jimmy Barnes Batmobile Jeff Beck og Joss Stone Tab Benoit Eric Burdon på konsert i Lugano i 2006. Caterina Caselli (som «Puoi farmi piangere» på italiensk i 1966) The Birthday Party Cameo Champion med gjestevokalist Betty Bonifassi Ray Charles Joe Cocker The Crazy World of Arthur Brown Creedence Clearwater Revival (som òg spelte han på Woodstock) Tim Curry Dionysos Julien Doré Eels Estelle Bryan Ferry. Nådde 18. plass i Storbritannia i 1993 Diamanda Galás The Heavy The Kills Buddy Guy (med Carlos Santana) Jarboe Queen Latifah Phil Lesh & Friends Manfred Mann Marilyn Manson Katie Melua Kim Nalley Nina Simone Bette Midler (frå filmen Hocus Pocus) Iggy Pop / Catherine Ringer Alan Price and The Electric Blues Company C.A. Quintet Gabriel Ríos Roxy Music She and Him Sonique. Nådde 8. plass i Storbritannia i 2001 Them (med Van Morrison) Pete Townshend og hans Deep End Live! (med David Gilmour). Bonnie Tyler The Unamerican Red Cross Leslie West The Guards (1968)
I 1966 nytta James Brown eit nesten identisk arrangement som originale for «It's a Man's Man's Man's World». I 1967 vart dette arrangementet nytta på ny for Frank Sinatra sin «The World We Knew (Over and Over)».
Han er òg vorte sampla av The Notorious B.I.G. («Kick In The Door»), The Beatnuts («Se Acabo»), LL Cool J («LL Cool J») og The Heavy («Sixteen»).
Kjelder
Denne artikkelen bygger på «I Put a Spell on You» frå , den 16. april 2011. oppgav desse kjeldene:
Bakgrunnsstoff A song’s journey through musical history
Kategori:Songar frå 1957 Kategori:The Animals-songar Kategori:Eric Burdon-songar Kategori:Nina Simone-songar Kategori:Van Morrison-songar Kategori:Creedence Clearwater Revival-songar Kategori:Bryan Ferry-songar Kategori:Jeff Beck-songar Kategori:Ray Charles-songar Kategori:Joe Cocker-songar Kategori:Bette Midler-songar Kategori:Iggy Pop-songar 320 Kategori:Singlar frå 1968 Kategori:Manfred Mann-songar Kategori:Them-songar Kategori:The Crazy World of Arthur Brown-songar Kategori:Tim Curry-songar Kategori:Nick Cave-songar Kategori:Pete Townshend-songar Kategori:MC5-songar Kategori:Marilyn Manson-songar Kategori:Bonnie Tyler-songar Kategori:Sonique-songar Kategori:John Fogerty-songar Kategori:Eels-songar Kategori:Jools Holland-songar Kategori:David Gilmour-songar Kategori:Queen Latifah-songar Kategori:Buddy Guy-songar Kategori:Carlos Santana-songar Kategori:Katie Melua-songar Kategori:Shane MacGowan-songar Kategori:Annie Lennox-songar Kategori:Seal-songar Kategori:Tor Endresen-songar Kategori:Disney-songar