Stephen Lawrence «Steve» Winwood () er ein engelsk musikar og låtskrivar.
Winwood byrja tidleg å interessere seg for musikk, i første omgangen jazz og dixieland. Han byrja difor tidleg å spele ulike instrument, som trommer, gitar og piano og allereie då han var åtte år spelte han i eit familieband.
I byrjinga på 1960-talet byrja han i broren Muff Winwood sitt band, The Muff Woody Jazz Band. I 1963 slutta gitaristen Spencer Davis seg til bandet, og dei endra namn til The Spencer Davis Group. Spencer Davis Group spelte såkalla «blåaugd soul». Winwood vart rekna som å vere eit vedunderbarn då han til trass for den unge alderen sin var ein respektert keybordist på hammondorgel og hans klåre tenorstemme og song på linje med dei store soulsongarane.
Gruppa hadde store hittar, som «Keep on Running» og «Gimme Some Lovin», men Winwood forlét gruppa i 1967 for å byrje i det meir psykedelisk orienterte bandet Traffic. I 1969 vart dette bandet oppløyst og Winwood slo seg saman med den gamle venen sin Eric Clapton som då akkurat hadde lagt ned Cream. Saman med to andre danna dei gruppa Blind Faith. Gruppa hadde ein stor hit i «Can't Find My Way Home», men det vart likevel ei kortliva gruppe då ho vart oppløyst alt i november same år. Traffic vart samla igjen i 1970 og fortsette fram til 1976 då ho vart oppløyst for godt.
I 1977 gav han ut sit første soloalbum og i 1986 vart Back In The Highlife gjeve ut, og denne vart det store gjennombrotet til Winwood som soloartist med hitsinglane «Higher Love» og «Wake Me Up On Judgement Day». For den første av desse fekk han òg Grammy Award. Han stadfesta populariteten sin med albuma Roll With It frå 1988 og Refugees Of The Heart frå 1990, som begge vart storseljarar. I 1994 vart Winwood og Jim Capaldi frå Traffic gjenforeint, og desse gav ut albumet Far From Home. Winwood gav i 1997 ut albumet Junction Seven og fekk ein radiohit med songen «Spy In The House Of Love». Han hadde deretter eit lengre opphald før han gjorde comeback med About Time i 2003 som vart følgt opp med Nine Lives i 2008.
I 2004 sampla Eric Prydz Winwood-songen «Valerie» til megahiten «Call On Me».
Diskografi Solo 1977: Steve Winwood 1980: Arc of a Diver 1982: Talking Back to the Night 1986: Back in the High Life 1988: Roll with It 1990: Refugees of the Heart 1997: Junction Seven 2003: About Time 2008: Nine Lives 2009: Live from Madison Square Garden (med Eric Clapton)
Traffic 1967: Mr. Fantasy 1968: Traffic 1969: Last Exit 1970: John Barleycorn Must Die 1971: The Low Spark of High Heeled Boys 1973: Shoot Out at the Fantasy Factory 1974: When the Eagle Flies 1994: Far from Home
Blind Faith 1969: Blind Faith
Go 1976: Go 1976: Go Live from Paris
Studiomusikar Chris Knipp - blast The Jimi Hendrix Experience - Electric Ladyland, 1968 McDonald and Giles - McDonald and Giles, 1971 Shawn Phillips - Faces, 1972 London Symphony Orchestra – Tommy - As Performed by the London Symphony Orchestra & Chamber Choir, 1972 Jim Capaldi - Oh How We Danced, 1972 Lou Reed - Berlin, 1973 Jim Capaldi - Whale Meat Again, 1974 Jim Capaldi - Short Cut Draw Blood, 1975 Jade Warrior - Waves, 1975 Toots & the maitals - Reggae Got Soul, 1976 John Martyn – One World, 1977 Pierre Moerlen's Gong - Downwind, 1978 George Harrison - George Harrison, 1978 Jim Capaldi - Daughter of the Night, 1978 Marienne Faithfull - Broken English, 1979 Jim Capaldi - The Sweet Smell of... Success, 1980 Jim Capaldi - Let the Thunder Cry, 1981 Marienne Faithfull - Dangerous Acquaintances, 1981 Jim Capaldi - Fierce Heart, 1983 David Gilmour - About Face, 1984 Christine McVie - Christine McVie, 1984 Eddie Harris - E.H. in the U.K. Vivian Stanshall - Sir Henry at Rawlinson End, Teddy Boys Don't Knit Billy Joel - The Bridge, 1986 Talk Talk - The Colour of Spring, 1986 Soulsister - Heat, 1990 Paul Weller - Stanley Road, 1995 Grateful Dead, spelte ein spesiell versjon av «Low Spark of High Heeled Boys» Eric Clapton – Back Home, 2005 Eric Clapton – Clapton, 2010 Slash – Hey Joe Rock N' Roll Hall of Fame, 2010 Miranda Lambert – Four the Record, 2011 Eric Clapton – Old Sock, 2013 Gov't Mule - Shout!, 2013
Kjelder
Denne artikkelen bygger på «Steve Winwood» frå , den 4. oktober 2011.
Bakgrunnsstoff Offisiell nettstad Album Winwood har delteke på
Kategori:Engelske klaverspelarar Kategori:Engelske songarar Kategori:Engelske rockegitaristar Kategori:Engelske låtskrivarar Kategori:Blue-eyed soul-songarar Kategori:Britiske rhythm and blues-musikarar Kategori:Britiske softrockmusikarar Kategori:Folk frå Birmingham Kategori:Rock and Roll Hall of Fame Kategori:Blind Faith-medlemmar Kategori:Traffic-medlemmar Kategori:Ginger Baker's Air Force-medlemmar Kategori:Grammy-vinnarar