Arthur Cayley () var ein britisk matematikar og ein av dei viktigaste matematikarane på 1800-talet.
Cayley praktiserte først som advokat til han i 1863 vart utnemnd til professor i rein matematikk ved universitetet i Cambridge. Han arbeidde innan alle område av matematikken, men var særleg viktig innan ikkje-euklidsk geometri, analytisk geometri, elliptiske funksjonar og grunnlegginga hans av matriserekninga. Han var særs produktiv som matematikar og dei samla verka hans, som omfattar over 900 avhandlingar, vart gjeven ut i 14. bind i 1889-1898.
Kjelder Arthur Cayley. (2011-10-30) I Store norske leksikon. Henta frå http://snl.no/Arthur_Cayley
Kategori:Engelske matematikarar Kategori:Copley-medaljen Kategori:Medlemmar av Royal Society Kategori:Folk frå London Kategori:Matematikarar på 1800-talet