upright|mini|«Il Canto degli Italiani» (instrumentalversjon) mini|upright|Goffredo Mameli mini|upright|Michele Novaro
«Il Canto degli Italiani» (Songen åt italienarane), blant italienarar oftast kjend som «Inno di Mameli» ('Hymnet åt Mameli') etter tekstforfattaren, eller «Fratelli d'Italia» ('Brør av Italia') etter førstelinja, er den italienske nasjonalsongen.
Songen blei skriven hausten 1847 av den tjueårige studenten Goffredo Mameli i Genova, i eit miljø prega av patriotisme og arbeid for sjølvstende og lausriving frå Austerrike-Ungarn. Diktet til Mameli blei tonesett nokre månader seinare av Michele Novaro, som også var frå Genova, i Torino. Songen blei utbreidd under den påfølgjande italienske samlingstida kjen som Risorgimento.
Etter at Italia blei sameint i 1861 nytta landet «Marcia Reale», 'Kongemarsjen', som nasjonalsong. Dette var ein song laga for kongehuset Savoy i 1831. I 1946, då Italia blei republikk, tok ein i bruk «Il Canto degli Italiani» som nasjonalsong. Dette var opphavleg tenkt som ein midlertidig song, men ein heldt fram å bruka han, og 17. november 2005 blei han erklært nasjonalsong ved lov.
Første verset og refreng Ordrett omsetjing Fratelli d’Italia L’Italia s’è desta Dell’elmo di Scipio S’è cinta la testa Dov’è la vittoria?! Le porga la chioma Ché schiava di Roma Iddio la creò
Stringiamci a coorte Siam pronti alla morte L’Italia chiamò Stringiamci a coorte Siam pronti alla morte L’Italia chiamò, si! Brør av Italia Italia har vakna Og hjelmen åt Scipio teke på sitt hovud. Kvar er Sigeren? lat henne visa vyrde som slave av Roma vart ho skapt av Gud.
Lat oss danna ein kohort Vi er klare til å døy Italia har kalla oss Lat oss danna ein kohort Vi er klare til å døy Ja, Italia har kalla oss!
Bakgrunnsstoff
Kjelder Denne artikkelen bygger på «Il Canto degli Italiani» frå , den 17. desember 2011.
Kategori:Songar frå 1800-talet Kategori:Kultur i 1847 Kategori:Nasjonalsongar Kategori:Italienske songar Kategori:Italienske nasjonalsymbol