Karin Roten Meier () er ein sveitsisk tidlegare skirennar frå Leukerbad i kantonen Valais. Ho vann tre VM-medaljar og var særleg dyktig i slalåm og storslalåm.
Aktiv Roten vann sølvmedaljen i storslalåm under verdsmeisterskapen i alpint 1996 i Sierra Nevada i Spania, Deborah Compagnoni frå Italia vart verdsmeister. Året etter, 1997, fekk Roten ein ny sølvmedalje i storslalåm under VM i Sestriere. I den same meisterskapen vann ho også bronsemedaljen i slalåm. I begge tevlingane var det atter Deborah Compagnoni som vart verdsmeister.
Roten vann to enkeltrenn i verdscupen i alpint, eitt i 1996 og det siste i 1998/99-sesongen. Elles i verdscuprenn fekk ho med seg tre andreplassar og ein tredjeplass. På samanlagtlista i verdscupen var ho som best i 1996-sesongen, ho kom då på tolvteplass.
Etter ho la opp som skialpinist i 2001, lanserte Roten sitt eige kosmetikkmerke. Sidan 2004 har ho også arbeidd som sidekommentator for fjernsynskanalen SF DRS.
Verdenscupsigrar Dato Stad Land Disiplin 10. mars 1996 Hafjell Noreg Slalåm 20. desember 1998 Veysonnaz Sveits Slalåm
Kjelder Denne artikkelen bygger på «Karin Roten» frå , den 13. januar 2012.
Bakgrunnsstoff
Karin Rotens heimeside
Kategori:Alpinistar under vinter-OL 1994 Kategori:Sveitsiske alpinistar Kategori:Alpinistar under vinter-OL 1998