Avonelva i Canterburyrenn gjennom sentrum av byen Christchurch på New Zealand, og ut i eit estuar som ho deler med Heathcote-elva, Avon Heathcote-estuaret.
Geologi Geologisk er denne elva, som dei fleste av elvene på Sørøya, svært ung. Avon (i sitt noverande elveløp) kan daterast frå den siste istida på New Zealand.
Elveløp Avon følgjer eit svingete løp gjennom Christchurch frå utløpet sitt i den ytre vestlege forstaden Avonhead, gjennom Ilam, Riccarton og Fendalton, deretter gjennom Hagley Park og det sentrale forretningsstrøket i Christchurch (CBD).
Aust for CBD renn elva gjennom Avonside, Dallington, Avondale og Aranui, og ho renn til slutt ut i Stillehavet gjennom Avon Heathcote-estuaret (maori Te Wahapū)Estuary, Christchurch City Libraries, New Zealand nær Sumner.
Namngjeving Avonelva var kjend blant maorifolket som ŌtākaroŌtākaro, Christchurch City Libraries, New Zealand. eller Putare Kamutu.Rev. John Dickson, History of the Presbyterian Church of New Zealand, Archive.org. ("Its native designation when they came and established themselves on its banks was Putare Kamutu. This they altered to Avon...") Organisasjonen Canterbury Association hadde tenkt å kalla henne Shakespere .Early name for Avon, Te Ara, New Zealand Elva fekk sitt noverande namn av John Deans i 1848 etter elva Avon i Skottland. Familien Deans reiste sin bustad nær Avonelva, der forstaden Riccarton no ligg.
Namnet vart offisielt endra til Avon River/Ōtakaro i samsvar med lova Ngai Tahu Claims Settlement Act 1998, ei av mange slike endringar etter overeinskomsten med iwien Ngāi Tahu.
mini|upright|venstre|Kommersiell punting i Christchurch. mini|upright|Punting på Avonelva.
Punting Kommersiell punting (båtturar i flatbotna prammar som vert staka fram) som turistattraksjon er tilgjengeleg på Avonelva i sentrum av byen, i Hagley Park og i Mona Vale, ein park i FendaltonAvon River Punting, New Zealand.
Jordskjelv Mykje av landområda langs Avonelva nedstraums frå dei sentrale bydelane vart øydelagt i september 2010, i februar 2011 og i juni 2011, og er klassifisert som raud sone av Canterbury Earthquake Recovery Authority. Lokale interesser i byen driv lobbyverksemd for å få dei raude sonene gjort om til parkområde som bind dei sentrale bydelane saman med elvemunningen. Kampanjen vert leia av ei gruppe kalla Avon-Otakaro Network (AvON), og som har fått støtte frå borgarmeisteren Bob Parker.
Sjå òg Avonelva i Marlborough
Referansar
Denne artikkelen bygger på «Avon River (Canterbury)» frå , den 30. januar 2012.
Bakgrunnsstoff
Avon River Masterplan, Christchurch City Council
centre|mini|800px|Avon River ved Victoria Square i Christchurch
Kategori:Elver på New Zealand Kategori:Canterbury på New Zealand Kategori:Christchurch