Tommaso Campanella, (), døypt Giovanni Domenico Campanella, var ein dominikansk teolog, filosof og diktar. Han er kjend som utopist og forfattar av Solstaden.

Liv Campanella vart fødd i Stilo i Calabria, og gjekk inn i dominikanarordenen i 1582, mindre enn femten år gamal. Han studerte teologi og filosofi, og vart inspirert av empirismen til Bernardino Telesio. Han kom òg i kontakt med okkulte og astrologiske strøymingar. Med meiningar som ikkje stemde overeins med det rådande aristoteiliske vitskapssynet, kom han i konflikt med kyrkja og inkvisisjonen. Då han i 1599 medverka i ei samansverjing mot dei spanske styresmaktene i Calabria, med planar om å innføre eit kollektivistisk brorskap, ikkje ulikt samfunnet han seinare skildra i Solstaden, vart han fengsla og torturert. Han slapp unna avretting, men vart sitjande 27 år i fengsel i Napoli. I denne tida vart dei viktigaste verka hans skrivne. Etter å ha vorte frigjeven med hjelp frå pave Urban VIII, drog Campanella til Paris, der han med stønad frå Ludvig XIII levde dei siste åra av livet.

mini|venstre|Metaphysica, 1638

Solstaden

Utopien Solstaden vart utgjeve på italiensk (La città del Sole) i 1602, og på latin (Civitas Solis) i 1623. Verket skildrar eit teokrati med kollektivistiske trekk, inspirert av idear om universalmonarki, katolisisme, og platonsk statsfilosofi. Solstaden er bygd rundt eit strengt geometrisk rammeverk: han ligg ved ekvator, er omslutta av sju murar (ein for kvar planet ein kjende til), og har ein port ut mot kvar av dei fire verdshjørna.

Bibliografi Philosophia sensibus demonstrata, 1591 La città del sole, 1602 Monarchie Messiae, 1605 Prodromus philosophiae instaurandae, 1617 Apologia pro Galileo, 1622 Atheismus triumphatus, 1631 Metaphysica I-III, 1638

Kjelder

Denne artikkelen bygger på «Tommaso Campanella» og «The City of the Sun» frå , og «Tommaso Campanella» frå og «Tommaso Campanella» frå den 7. februar 2012.

Bakgrunnsstoff Verk av Tommaso Campanella på Project Gutenberg

Kategori:Italienske filosofar Kategori:Italienske dominikanarar Kategori:Renessansehumanistar Kategori:Folk frå Calabria