Stephen J. Walton () er ein britisk-norsk språkforskar og forfattar. Han er professor i nynorsk skriftkultur ved Høgskulen i Volda og har mellom anna skrive biografiane Ivar Aasens nedre halvdel (1991) og Ivar Aasens kropp (1996). I 2012 debuterte han som skjønnlitterær forfattar med romanen Roadmovie.

Utdanning og arbeid Walton tok doktorgrad ved University of Cambridge i 1986 med avhandlinga Farewell the spirit craven : Ivar Aasen and national romanticism om Ivar Aasen og nasjonalromantikken. Før det hadde han studert nordisk og tysk ved University College London. Der byrja han sjølv å undervise i 1983 og han vart etter kvart professor i norsk. Frå 1984 underviste han også årleg ved den internasjonale sommarskulen ved Universitetet i Oslo. Frå 1997 var han professor II i nynorsk skriftkultur ved Høgskulen i Volda og frå 2000 har han vore professor i nynorsk skriftkultur og leiar for Ivar Aasen-instituttet ved høgskulen.

Forfattarskap Walton har skrive to biografiar om Ivar Aasen, Den teksta versjonen om amerikanisering, Skaff deg eit liv! om biografisjangeren og romanen Roadmovie. Han har også skrive for Klassekampen og Dag og Tid.

I 2009 fekk han Språkprisen for «framifrå nynorsk i sakprosa» og Melsom-prisen for boka Skaff deg eit liv!.

Bøker 2012 – Roadmovie – roman 2009 – Skaff deg eit liv! – sakprosa 2006 – Den teksta versjonen – sakprosa 1999 – Litt laust, mest fast – artikkelsamling 1996 – Ivar Aasens kropp – biografi 1991 – Ivar Aasens nedre halvdel – biografi 1987 – Farewell the spirit craven : Ivar Aasen and national romanticism – doktorgradsavhandling

Prisar og utmerkingar 2009: Språkprisen 2009: Melsom-prisen

Referansar

Bakgrunnsstoff Om Stephen J. Walton på nettstaden til Høgskulen i Volda Digitaliserte bøker av Walton i bokhylla.no (Nasjonalbiblioteket) Stephen J. Walton i BIBSYS

Kategori:Britiske romanforfattarar Kategori:Britiske sakprosaforfattarar Kategori:Britiske professorar Kategori:Britiske språkforskarar Kategori:Folk frå Leicester Kategori:Norske romanforfattarar Kategori:Norske sakprosaforfattarar Kategori:Norske språkforskarar Kategori:Professorar ved Høgskulen i Volda Kategori:Norske skjønnlitterære debutantar i 2012 Kategori:Vinnarar av Melsom-prisen