Anne Lilia Berge Strand (), betre kjend som Annie, er ein norsk popmusikar og DJ.Profil på Discogs.
Biografi
Anne Lilia Berge Strand voks opp i Bergen. Ho begynte å få merksemd som artist i 1999. Under artistnamnet Annie gav ho då ut singellåten «The Greatest Hit» i samarbeid med Tore Andreas Kroknes, kjend som DJ Erot. Dei to artistane vart også kjærastar ein periode. Kroknes, som hadde ein medfødd hjartefeil, gjekk bort i 2001, berre 23 år gamal. Annie sin singel «I Will Get On», som også var produsert saman med Kroknes, kom ut i 2002.Biografi på Allmusic.com
Annie heldt fram som artist også etter dødsfallet, og starta nye samarbeid med andre artistar. I 2004 gav ho ut sitt fyrste album, elektropop-plata Anniemal. På plata bidreg m.a. Richard X, Torbjørn Brundtland, Svein Berge og finske Timo Kaukolampi, og Annie vart samanlikna med Bertine Zetlitz. «The Greatest Hit» var òg med på plata.Platemelding av Anniemal på Groove.no Under utdelinga av Spellemannprisen 2004 vart Annie kåra til Årets nykomar. Året etter vann ho Alarmprisen i klassen for pop.
I 2005 gav ho ut samleplata DJ Kicks med gamle hitlåtar.Platemelding av DJ Kicks på Groove.no Etter dette busette ho seg i Tyskland og heldt ein låg profil fram til ho gav ut eit nytt studioalbum, Don't Stop i 2009, framleis i samarbeid med produsentane Richard X og Timo Kaukolampi.Platemelding av Don't Stop på Groove.no
Diskografi
Anniemal (2004) DJ Kicks (samleplate, 2005) Don't Stop (2009)Diskografi frå Groove.no Dark Hearts (2020)
Fotnotar
Bakgrunnsstoff
Annie på Myspace
Kategori:Musikarar frå Bergen Kategori:Folk frå Trondheim Kategori:Vinnarar av Spellemannprisen Kategori:Vinnarar av Alarmprisen Kategori:Norske songarar