Deram Records er eit tidlegare britisk plateselskap som låg under paraplyen til Decca Records og som fungerte som platemerke for både alternative og progressive artistar. Som dei fleste andre subsidiære plateselskap under Decca så vart Deram sitt motstykke i USA distribuert under London Records.
Deram var i all hovudsak aktivt mellom 1966 og 1973, men fungerte i praksis over ein lengre periode heilt til byrjinga av 1980-talet. Decca brukte Deram Records i marknaden mot både Island Records, Harvest Records (som var ått av EMI) og Vertigo Records (som vart starta av Philips Records), men feila i å etablere seg på lang sikt.
Frå starten av var artistar innan popsjangeren sidestilt med artistar og band innan progrocken, trass i at Decca ønskte å gjere Deram til eit merke berre for alternativ musikk. Både David Bowie og Cat Stevens fekk likevel ein tidleg suksess på selskapet, før dei omsider flytta over til høvesvis Philips Records og Island Records. Tre av dei tidlege hitlåtane deira var Procol Harum sin «A Whiter Shade of Pale», The Move sin «Night of Fear» og «I Can Hear the Grass Grow».
I 1969 starta Decca eit reint progressivt merke under namnet Nova, som varte i mindre enn éit år. Dette har sidan ført til forvirringar sidan fleire utgjevingar har kome under namnet Deram Nova og Decca Nova. Decca gav sidan ut to album på vinyl av Justin Hayward (The Moody Blues) under namnet Songwriter (1977) og Night Flight (1980). Deram hadde blant anna punkrockbanda Bananarama, The Modettes, Splodgenessabounds og TV21 under kontrollen deira tidleg på 1980-talet før merket forsvann under Decca Records igjen, som sidan vart kjøpt opp av Universal Music.
Artistar under Deram Records Aardvark Johnny Almond Music Machine Amen Corner Lionel Bart Beefcake David Bowie (debutalbumet David Bowie) The Alan Bown Brotherhood of Man Pete Brown Camel The Camerata Contemporary Chamber Group John Cameron Quartet Junior Campbell Caravan Michael Chapman Chicken Shack Clouds Shirley Collins Curved Air Terry Durham East of Eden Egg Eyes of Blue Bill Fay The Flirtations The Flower Pot Men Frijid Pink Galliard Giles, Giles and Fripp Keef Hartley The Hawaiians Honeybus Clark Hutchison Iron Virgin Chim Kothari Alvin Lee & Company Neil MacArthur (pseudonym for Colin Blunstone) Stavely Makepeace Mellow Candle The Moody Blues The Move Pacific Drift Principal Edwards Procol Harum Les Reed Room George Smith Whistling Jack Smith Cat Stevens Streak Stud The Syn Thin Lizzy Ten Years After Tintern Abbey Darryl Way's Wolf The Web The World of Oz White Plains Zakarrias
Kjelder Denne artikkelen bygger på «Deram Records» frå , den 4. mai 2012.
Bakgrunnsstoff Collectable-records.ru - Coverdesign og artister fra Deram Records Liste over singler fra Deram En diskografi over singler fra den amerikanske delen av Deram En albumdiskografi fra den canadiske delen av Deram
Kategori:Britiske plateselskap