Khazar Islands, også kjend som Caspian Islands, er eit ufullført byggeprosjekt i Aserbajdsjan, kring 23 km sørvest for sentrum av hovudstaden Baku.
Prosjektet går ut på å byggje ein ny by på 41 menneskeskapte øyar i Kaspihavet.azer news
Bygginga starta i 2011 og var venta å stå ferdig i 2020-2025. Byen skulle då kunne romme ein million menneske og omfatte det som ville bli den høgaste skyskraparen i verda, med det foreløpige namnet «Azerbaijan Tower». Khazar Islands ligg kring 23 km sørvest for sentrum av Baku. Den nye byen skulle strekkje seg langs to rekkjer av øyar og bygningar, 7 km utover i havet. Øyane ville dekkje kring 2000 hektar. Kring 60 hengebruer skulle gå mellom øyane, som i tillegg til bustader skulle bestå av 150 skular, 50 sjukehus, mange parkar, kjøpesenter, kultursenter, stadion, veddeløpsbane, ein Formel 1-bane og ein internasjonal flyplass, i tillegg til Azerbaijan Tower.. Byen vil verte bygd for å stå imot kraftig jordskjelv, som stundom råkar dette området.
Avesta var entreprenør for prosjektet, som var venta å koste kring 100 milliardar dollar. Direktøren for selskapet, Ibrahim Ibrahimov, skal ha fått ideen til prosjektet då han flaug mellom Baku og Dubai.New York Times article on Ibrahimov's vision for the islandsViaTechnik report on the islands
Då oljeprisen gjekk ned i 2015 fekk prosjektet problem. I mai 2015 blei Ibrahimov arrestert etter at selskapet ikkje kunne betala gjelda si til International Bank of Azerbaijan, ei gjeld som då var rekna til å vera på rudnt 57 millionar dollar.Milli.az report on Avesta and the Khazar Islands Ibrahimov blei sett fri, og selskapet heldt føre at prosjektet framleis ville bli ferdig mellom 2020 og 2025 med kinesiske investeringar. I ei intervju i april 2017 insisterte Ibrahimov på at det forseinka arbeidet kom til å byrja att seinare det året.Reports of April 2017 interviw with Ibrahimov I oktober 2017 blei det rapportert at Ibrahimov hadde byrja å arbeida med Avesta att og at han ikkje kom til å forlata Aserbajdsjan, men det blei sådd tvil om arbeidet med Khazar Islands kom til å halda fram.Xural Report October 2017
Kjelder
Denne artikkelen bygger på «Khazar Islands» frå , den 28. juni 2020.
Kategori:Øyar i Kaspihavet Kategori:Øyar i Aserbajdsjan Kategori:Kunstige øyar Kategori:Byar i Aserbajdsjan Kategori:Geografi i Baku