Knottblom (Malaxis monophyllos) er ein plante i knottblomslekta Malaxis i orkidéfamilien (marihandfamilien) Orchidaceae. Knottblom hadde tidlegare det vitskaplege namnet Microstylis monophyllos i Artsdatabanken, men slektsnamnet er nyleg endra.
Utsjånad Knottblom er ein liten gulgrøn plante som blir om lag 10 til 25 centimeter høg. Planten har små gulgrøne blomar i ein lang, smal klase.
Utbreiing Knottblom er den einaste arten frå den store planteslekta Malaxis som veks i Norden. I Noreg veks han på kalkrike myrar på det sørlege Austlandet, men er utrydda på mange av veksestadene på grunn av grøfting. Planten er freda i Noreg, og står på Norsk raudliste for artar (2021) som sterkt truga (EN).
Arten finst òg i Sverige (status VU, svensk namn knottblomster) og i Finland (EN, finsk namn sääskenvalkku).
I Estland (estisk namn soovalk) veks knottblom spreidd over det meste av landet og er rekna som nær truga (NT). I Latvia (latvisk namn purvāja vienlape) veks arten spreidd på fukteng og myr og er klassifisert som sjeldan (kategori 3 – samazinās). I Litauen (litauisk namn vienalapis gedutis) veks arten særleg i søraust. Han er rekna som sårbar (VU).
I Tyskland er arten (tysk namn Kleinblütiges Einblatt) rekna som sårbar (VU, gefährdet), i Polen (polsk namn wyblin jednolistny) veks han i sør og heilt i nordaust og blir rekna som sårbar (VU, narażony).
Referansar
Denne artikkelen byggjer delvis på «Knottblomst» frå , den 23. juli 2012.
Bakgrunnsstoff
Kategori:Myrplantar Kategori:Orkidear i Noreg Kategori:Orkidear i Sverige Kategori:Orkidear i Finland Kategori:Orkidear i Estland Kategori:Orkidear i Latvia Kategori:Orkidear i Litauen Kategori:Orkidear i Tyskland Kategori:Orkidear i Polen Kategori:Knottblomslekta