Christopher Hansteen () var ein norsk fysikar og astronom. Han var professor i astronomi og nytta matematikk ved «Det kongelege Frederiks Universitet i Christiania», no Universitetet i Oslo 1816–1861. Hansteen var ein sentral person i norsk og internasjonal vitskap på 1800-talet. Han redigerte almanakken i ei årrekkje, var medlem av tilsynskomiteen for mål og vekt og ein komite for reorganisering av Noregs skulevesen. Som direktør for den geografiske oppmålinga tok han initiativ til kartlegginga av seglingstilhøva langs norskekysten. Hansteen grunnla òg observatoriet til universitetet, som framleis er i sentrum av Oslo.
I løpet av den lange karrieren sin gjennomførte Hansteen fleire ekspedisjonar i og utanfor Noreg. Frå 1828 til 1830 deltok han i ein regjeringsstøtta ekspedisjon til det vestlege Sibir, som blant anna hadde som siktemål å fastslå om jorda har ein eller to magnetiske aksar. Dette førte til utgjevinga av reiseskildringa Ferd-Erinnerungen aus Sibirien (1854, på norsk som Ferd-Erindringer i 1859), medan forskningsresultata vart publisert i 1863 under tittelen Resultate magnetischer Beobachtungen. Hansteen påpekte sambandet mellom magnetfeltet til jorda og nordlyset, og var tidleg ute med å skildre nordlysovalen.
Han deltok òg i arbeidet med Struvemeridianen. Eit krater og eit fjell på månen er kalla opp etter Christopher Hansteen. Han er avbilda på norsk frimerke NK903 (1984).
Han var far til Aasta Hansteen.
Utmerkingar Hansteen vart i 1847 utnemnd til kommandør av St. Olavs Orden og vart 21. august 1855 forfremma til storkors «for udmærket Videnskabelighed».Den Kongelege norske Sankt Olavs orden 1847-1947, utgjeve av ordenskanselliet ved O. Delphin Amundsen, Oslo: Grøndahl & Søns Forlag, 1947, s. 3. Han var òg riddar av Dannebrogordenen.
Bibliografi
Kjelder <div class="references-small"> Denne artikkelen bygger på «Christopher Hansteen» frå , den 25. juli 2012. oppgav desse kjeldene:
Bakgrunnsstoff Biografisk nettsted ved Universitetet i Oslo Digitalt tilgjengeleg arkivmateriale etter Christopher Hansteen i Nasjonalbiblioteket
Kategori:Norske astronomar Kategori:Norske fysikarar Kategori:Norske astronomiprofessorar Kategori:Astronomar på 1800-talet Kategori:Fysikarar på 1800-talet Kategori:Medaljen for borgardåd Kategori:Norske sakprosaforfattarar Kategori:Norske forfattarar av reiseskildringar Kategori:Medlemmar av Det Norske Videnskaps-Akademi Kategori:Medlemmar av Det kongelege svenske vitskapsakademiet Kategori:Medlemmar av Royal Society Kategori:St. Olavs Orden Kategori:Dannebrogordenen Kategori:Nordstjerneordenen Kategori:Folk frå Oslo