Hans Sivert Jacobsen () var ein norsk kjøpmann og stortingsmann frå Hidra i Vest-Agder. På tinget representerte han Venstre.
Jacobsen var son til ein gardbrukar. Åra 1852-56 var han handelsdreng i Flekkefjord, åra 1856-58 gjekk han handelsskule i Drammen. Deretter arbeidde han hos ein kjøpmann i Drammen i fire år, frå 1863 dreiv han eigen handel i Flekkefjord.
Jacobsen var medlem av bystyret i Flekkefjord frå 1869, ordførar var han 1888-89. Han var sparebankdirektør 1873-81 og frå 1891. Periodane 1880-82 og 1883-85 var han Flekkefjord sin varamann til Stortinget. Valbolken 1898-1900 var han byen sin representant på tinget, der han var medlem av Lagtinget og av gasje- og pensjonskomiteen.
Sommaren 1901 døydde han i Nes ved Flekkefjord.
Kjelder Lindstøl, Tallak: Stortinget og Statsraadet 1814-1914. Kristiania, 1914
Kategori:Stortingsrepresentantar 1898-1900 Kategori:Stortingsrepresentantar frå Venstre Kategori:Ordførarar i Flekkefjord Kategori:Norske kjøpmenn Kategori:Folk frå Flekkefjord