Wolfgang Flür () er ein tysk musikar, mest kjend som medlem av electronicagruppa Kraftwerk frå 1973 til 1987, der han spelte elektronisk perkusjon. Flür bygde òg mykje av studio- og sceneutstyret til gruppa i verkstaden sin under studioet til bandet, Kling Klang.
Bakgrunn Tidlegare hadde Flür spelt vanlege akustisk trommer i Düsseldorf-bandet The Spirits of Sound. Eit anna medlem i dette bandet var gitaristen Michael Rother, som var medlem av Kraftwerk nokre månader i 1971, før han danna Neu! med dåverande trommeslagar i Kraftwerk, Klaus Dinger.
Etter Kraftwerk Flür starta Yamo etter han slutta i Kraftwerk. Dette prosjektet gav ut albumet Time Pie i 1997, produsert i samarbeid med Mouse on Mars. Den neste utgjevinga til Flür var 12"- og remiksa av I Was A Robot, som klatra til sjetteplassen på tyske klubb-lister.
Flür skreiv ein sjølvbiografi som kmo i 2000, kalla Ich war ein Roboter (engelsk versjon: I Was a Robot) der han skildra sitt syn på korleis det var å spele i Kraftwerk. I nyare tid har Flür arbeidd som DJ i klubbar og spelt tech-house og electro. Han har òg spelt elektroniske trommer på konsertar med den tyske synthpopduoen Dyko, og gav med dei ut ein singel i 2009.
Den japanske songaren Maki Nomiya sitt album Party People inneheld songen «Yamate Line» som er skriven og produsert i lag med Flür.
Diskografi Med Kraftwerk Autobahn (1974) Radioaktivität (1975) Trans-Europa Express (1977) Die Mensch-Maschine (1978) Computerwelt (1981) Electric Café (1986)
Yamo Album Time Pie (1996)
EP-ar Musica Obscura (1997)
Singlar «Guiding Ray» (1996) «Stereomatic» (1996) «I Was a Robot» (2004)
Samarbeid Maki Nomiya - «Yamate Line» (på albumet Party People, 2005) Dyko med Wolfgang Flür - «Autobahn» (B-side til singelen «In Ordnung», 2009) Empire State Human med Wolfgang Flür/Yamo - «Melancholic Afro» (på albumet Audio Gothic, 2009) Giorgio Li Calzi med Wolfgang Flür – «Freakin' Out» (på samleplata Switched On Bob: A Tribute To Bob Moog, 2009) Cultural Attaches med Wolfgang Flür - «Golden Light» (på samleplata Lazy Summer Vol 2 miksa av Chris Coco; 2011)
Kjelder
Bakgrunnsstoff Offisiell nettstad Remix - Melancholic Afro - a track with Wolfgang Flur vokal and trommer
Kategori:Tyske trommeslagarar Kategori:Tyske electronicamusikarar Kategori:Kraftwerk-medlemmar