Karl (Kai) Reinhold Donner () var ein finsk filolog, etnograf og politikar.
Han var son til Otto Donner og far til Joakim og Jörn Donner.
Kai Donner vart doktor i filosofie i 1923 og var frå 1924 dosent i uralsk språkvitskap ved Helsingfors universitet. Han fór på forskingsreiser til samojedane mellom 1911 og 1913 og i 1914 og bearbeidde det innsamla materialet både språkvitskapleg og etnografisk.
Han var ein leiande person i jägarrörelsen, og vart i 1915 medlem av Aktiva kommittén. I 1916 vart han nøydd til å flykta til Sverige og Tyskland, og frå 1916 til 1918 tilhøyrde han den finske utanriksdelegasjonen i Stockholm. Etter den finske borgarkrigen vart han verande ei tid i militæret. Frå 1920 til 1922 var han redaktør av det aktivistiske tidsskriftet Suunta. Ved planlegginga av ulike intervensjonistiske prosjekt i Russland var han ein sentral aktør, og vart seinare òg ein forgrunnsfigur i Lapporørsla. Der hadde han sterk innverknad på Vihtori Kosola.
Bibliografi Bland samojeder i Sibirien (1914) Sibiriska noveller (1919) Sibirien, folk och forntid (1933) Fältmarskalken friherre Mannerheim (1934)
Kjelder Denne artikkelen bygger på «Kai Donner» frå , den 2. mai 2013.
Svensk uppslagsbok. Malmö 1931.
Bakgrunnsstoff "Siperia sanoiksi - uralilaisuutta teoiksi". Avhandling om Kai Donner som politisk agitator och antropolog.
Kategori:Finske språkforskarar Kategori:Finske etnologar Kategori:Finske politikarar Kategori:Folk frå Helsingfors