Hafslundbanen er ein nedlagt industribane mellom Hafslund i Sarpsborg og Sundløkka i Fredrikstad. Den var eit sidespor til Østfoldbanen og vart opna 20. mars 1898 og er dermed den første, elektriske normalspora jernbanen i Norge. Den opphavlege traséen vart nedlagt i 1973 i samband med bygginga av Sannesundbrua.
Banen vart nytta av Hafslund Smelteverk for industriell transport til anlegget deira og til hamna på Sundløkka. Den vart elektrifisert med 600 V likestraum. Den 2 km lange strekninga frå anlegget til hamna vart nedlagt i 1967 etter at den hadde blitt øydelagt av flaum, medan resten av banen vart nedlagt seks år seinare. Samstundes vart ein ny uelektrifisert strekning sett i drift mellom Vestre linje sør for Hafslund kapell og smelteverket, denne var i drift til starten av 1980-åra. Dette sporet vart rive i 2001. Eitt lokomotiv er tatt vare på ved Krøderbanen.
Linjekart
Bakgrunnsstoff Hafslunbanen på Jernbane.net Norsk jernbaneklubb om Hafslundbanen Lenkesamling om Hafslundbanen
Kjelder Denne artikkelen bygger på «Hafslundbanen» frå , den 28. mai 2013.
Kategori:Nedlagde jarnbanestrekningar i Noreg Kategori:Jarnbanestrekningar opna i 1898 Kategori:Jarnbanestrekningar nedlagde i 1973 Kategori:Jarnbanestrekningar i Østfold Kategori:Samferdsle i Sarpsborg Kategori:1898 i Noreg Kategori:1973 i Noreg