Lars Vegard () var ein norsk fysikar og polarlysforskar.
Han er særleg kjent for arbeidet med å kartlegge fargespektrumet til nordlyset.Lars Vegard. (27.02.2013) I Store norske leksikon. Henta frå: http://snl.no/Lars_vegard Spektralfordelinga gjev igjen opplysningar om samansetnaden av atmosfæren i nordlyshøgda. Vegard var den første som påviste at nordlysspektra inneheld informasjon om temperaturen til den gassen som sender ut lyset.
Vegard var den første som eksperimentelt påviste at òg hydrogen-emisjonar opptrer i nordlyset. Dette skjedde i 1939 etter fysiske observasjonar. I 1948 fann han dopplereffekten i hydrogenlinjene til nordlyset. Han publiserte 180 vitskaplege arbeid før han døydde.
Vegard tok examen artium i 1899 ved Ragna Nielsens skole og vart cand. real. i 1905 ved Det Kongelige Frederiks Universitet i Oslo. I 1906 og 1907 var han assistent for Kristian Birkeland og hjelpte til med å handsame resultat frå nordlysobservasjonane til Birkeland. I 1908 fekk han forskingsstipend og studerte elektrisitet hos J. J. Thompson i Cambridge. Hausten 1909 drog han vidare til Leeds og studerte røntgenstråling hos William Henry Bragg. I 1910 vart han amanuensis ved universitetet i Oslo. I 1911 drog han til Würzburg og Wilhelm Wien, som same haust vart tildelt nobelprisen i fysikk. I Würzburg eksperimenterte Vegard med anodestrålar (positive stråler) og skreiv avhandlinga Über die Lichterzeugung in Glimmlicht und Kanalstrahlen. Han vart dr. philos. på avhandlinga i Oslo i 1913. Same år vart han utnemnd til dosent ved universitetet, ei stilling han hadde til 1918 då han overtok professoratet i fysikk etter Kristian Birkeland. Vegard heldt på professoratet til 1952, då det vart overtatt av Roald Tangen.
Vegard var òg lokalpolitikar og representerte Venstre i Aker kommunestyre. Det står ei byste av han ved Vegårshei Sparebank. Eit portrett av han, måla av Henrik Sørensen, henger i foajeen i fysikkbygningen på universitetet i Oslo.
Verv og utmerkingar Det Norske Videnskaps-Akademi, innvald 1914 Initiativtakar til opprettinga av nordlysobservatoriet i Tromsø 1928 Det norske institutt for kosmisk fysikk i Oslo, styreformann 1928–35 og 1939–55 Den internasjonale fysiske union, visepresident 1932–40 Fridtjof Nansens belønning for fremragende forskning, 1934 Dekan mat.nat.-fakultetet, 1937-41 St. Olavs Orden, 1952
Kjelder
Denne artikkelen bygger på «Lars Vegard» frå , den 28. mai 2013. oppgav desse kjeldene:
Kategori:Norske fysikarar Kategori:Norske fysikkprofessorar Kategori:St. Olavs Orden Kategori:Professorar ved Universitetet i Oslo Kategori:Folk frå Vegårshei Kategori:Medlemmar av Det Norske Videnskaps-Akademi Kategori:Lokalpolitikarar i Aker Kategori:Venstrepolitikarar i Akershus