Mont Clapier (italiensk Monte Clapier) er ein fjelltopp på 3 045 meter over havet i Kystalpane. Grensa mellom den italienske provinsen Cuneo og regionen Provence-Alpes-Côte-d'Azur i Frankrike går over fjelltoppen. Fjellet ligg i Mercantour nasjonalpark.
På den italienske sida av Monte Clapier ligg den sørlegaste isbreen i Alpane, i kring 40 km frå havet. Fjelltoppen er den aller sørlegaste 3000-meters-toppen i heile Alpane.
Geologisk består fjellet av gneis isprengt granitt, med innslag av migmatitt.
I 1832 kleiv Luigi Cossato til topps som fyrstemann. Han gjekk ut frå landsbyen Entranque i Cuneo-provinsen.
Kjelder
Denne artikkelen bygger på «Mont Clapier» frå , den 27. oktober 2013.
Kategori:Fjell i Alpane Kategori:Fjell i Frankrike Kategori:Fjell i Italia