Klavdija Sergejevna Bojarskikh () var ein russisk langrennsløpar som representerte Sovjetunionen. Ho vann tre OL-gull i 1964 og to VM-gull i 1966.
mini|Klavdija Bojarskikh under Ski-VM 1966 Aktiv Bojarskikh, som var frå Verkhnjaja Pysjma i Sverdlovsk oblast, var verdas beste kvinnelege langrennsløpar midt på 1960-talet. I sitt fyrste internasjonale meisterskap, vinter-OL 1964 i Innsbruck tok ho gullmedaljar i alle tre langrennsøvingane for kvinner. På 10 km tok ho ein knepen siger føre landsmannen Jevdokija Meksjilo, før ho vann ein suveren siger på 5 km. Saman med Alevtina Koltsjina og førnemnde Meksjilo gjekk ho Sovjetunionen inn til OL-gull i 3x5 km stafett, over to minuttar føre Sverige på sølvplass.
Under ski-VM 1966 i Oslo var Bojarskikh nær å kopiere sigersrekka frå Innsbruk. Ho vann 10 km og Sovjetunionen gjekk til topps i stafetten, men på 5 km vart ho slått av landslagskollegaen Alevtina Koltsjina med 7,2 sekundar og enda på sølvplass.
Bojarskikh la opp i 1967.
Merknadar
Kjelder Sportsboken, aktuelle årgangar
Kategori:Sovjetiske langrennsløparar Kategori:Russiske langrennsløparar Kategori:Verdsmeistrar i langrenn Kategori:Olympiske meistrar for Sovjetunionen Kategori:Medaljevinnarar under vinter-OL 1964 Kategori:Sovjetiske deltakarar under vinter-OL 1964 Kategori:Langrennsløparar under vinter-OL 1964