Sent Perdon e Vièlhvic (Saint-Pardoux-et-Vielvic en francés) es una comuna d'Occitània, dins la region istorica de Perigòrd, administrada per lo departament de Dordonha de la region de Novèla Aquitània, ancianament d'Aquitània.

Geografia vignette|upright=1.8|centre|Comunas a l'entorn.

Toponimia La prononciacion marcada sul site Nom Occitan des communes du Périgordhttps://web.archive.org/web/20160304071414/http://communes-oc.cg24.fr/cantons/belves/SAINT-PARDOUX-ET-VIELVIC.htm seriá [ʂempɒrˈdu] [βjɛlˈβi], mas l'enregistrament dona puslèu [ʂemperˈdu] [e] [βjɛlˈβi] . Per lo son notat [-ɒ-], l'enregistrament de Cladech dona [klɒˈde]; per l'enregistrament de Mont Plasent (sic, per Montplasent), es [mũmplɒˈʐɛ̃n] : l'aurelha percep quicòm de completament diferent del son notat [-ɒ-] per Sent Pardol (grafia del site de las comunas de Dordonha). Enfin, per lo de Sent German de Belvés [ʂenʦerˈmɔ] [debɛlˈβe], lo son notat [-e-] es identic al son notat [-ɒ-] dins lo cas de Sent Pardo(l). La transcripcion [ʂempɒrˈdu] (e) [βjɛlˈβi] es donc volontarista, anti-scientifica, vertuosa, autrament dich completament falsa. La transcripcion corrècta en alfabet fonetic internacional del document enregistrat es en realitat [ʂemperˈdu e βjɛlˈβi], çò que correspond, en daissant pel moment lo cas de la consonanta finala de l'agionime, a Sent Perdó e Vièlhvic. Sent Pardo(l) (atestacions S. Pardulfus al sègle XIII, Sanctus Perdonus en 1382, Saint Pardoulx al sègle XVI) ven del nom de Pardulphus, latinizacion del nom germanic Pard-wulf o Bard-wulf, que correspond a un ermita garit miraculosament de la ceguesa, puèi que venguèt abat de Garait Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 621Chantal Tanet et Tristan Hordé, Dictionnaire des Noms de Lieux du Périgord, ed. Fanlac, segonda edicion, 2000, p. 356 (658 - entre 737 e 743); a tombat sistematicament, en Occitània, dins l'atraccion de perdon, adaptat en francés en Pardoux, Perdon, Pardon, etc Bénédicte Boyrie-Fénié, Dictionnaire toponymique des communes, Lot-et-Garonne, ed. CAIRN e Institut Occitan, Pau, 2012, p. 247, çò que la preséncia d'una e clarament articulada dins Perdó e l'atestacion de 1382 permeton de verificar; la grafia autentica de la primièra partida del nom de la comuna es donc Sent Perdon. La nasala finala de Perdon es muda en lengadocian.

Vièlhvic, dont las atestacions son Vail Vic, non datada, Veu Vic, en 1199, Parochia de Veteri Vico, es format del latin vetulus, diminutiu de vetus, «vièlh», e d'un autre mot latin vicus, qu'a lo sens d'un vilatge que dins l'Empèri roman aviá pas d'estatut, a la diferéncia del municipium e de la colonia ,Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 711; mas lo mot vicus s'empleguèt per un vilatge après la fin de l'Empèri roman.

Donc, la fòrma del nom de la comuna en grafia classica es Sent Perdon e Vièlhvic.

Istòria Entre 1790 e 1793, las comunas de Sent Perdon e de Vièlhvic fusionèron jol nom de Saint-Pardoux-et-Vielvic (en francés), donc Sent Perdon e Vièlhvic http://cassini.ehess.fr/cassini/fr/html/fiche.php?select_resultat=33937.

Administracion

Demografia

Luòcs e monuments

Personalitats ligadas amb la comuna

Veire tanben Comunas de Dordonha

Ligams extèrnes

Nòtas

Categoria:Comuna de Dordonha Categoria:Comuna de Perigòrd