Paire nòstre

vinheta|Lo Paire nòstre en ocitan en la glèisa del Paire nòstre de Jerusalèm right|250px|thumb|<center>Lo Pater en Cant gregorian Lo paire nòstre o patèr nòster o patèr (pater noster en latin) es una pregària crestiana. N'existís mai d'una version occitana.

Version catara en occitan ancian Tracha de l'evangèli de Matieu e accentuada segon las nòrmas modèrnas exceptat per las O que sempre sonan [o]http://jean.duvernoy.free.fr/text/pdf/cledat_matei.pdf: Le nostre Paire que es els cèls sanctificatz sia lo teus nom avenga lo teus regnes e sia faita la tua voluntatz sicò el cèl et e la tèrra. E dona-nos a nos òi (uòi) le nostre pan qui es sobre tota causa. E perdona a nos les nostres deutes, aissí co nos perdonam als nostres deutors. E no nos amenes en temptacion Mas deliura-nos de mal.

Version de la conferéncia episcopala Aprèp doas annadas de trabalh intensiu, la traduccion occitana de «l'ordo missae» foguèt imprimida pel primièr còp en 1975, jos lo sagèl dels avesques d'Occitània, que, d'acòrdi amb la Conferéncia episcopala francesa (que sol a una existéncia canonica) publiquèron una ordenança:

'Dins la liturgia de la messa en lenga occitana, o lenga d'òc, serà obligatòri d'emplegar lo present tèxte titolat 'Messa en lenga d'òc. D'ara endavant es lo sol autorizat per I'usatge liturgic. Totas las permissions acordadas fins ara son suprimidas. (art.4)':

Paire nòstre que ès dins lo cèl, que ton nom se santifique, que ton renhe nos avenga, que ta volontat se faga dins la tèrra coma al cèl. Dona-nos uèi nòstre pan de cada jorn, perdona-nos nòstres deutes coma nosaltres perdonam a nòstres debitors e fai que tombem pas dins la temptacion mas deliura-nos del mal.

Version de Cantaulasa

La traduccion de CantalausaCANTALAUSA, La bona novèla. Los quatre evangèlis revirats del grèc es mai poetica (la pontuacion e las majusculas son de la version del sieu Diccionari occitan illustrat) :

Paire del cèl, paire nòstre, Santificat lo teu Nom! Fai avançar ton reialme: Ta Volontat sus la tèrra, coma se fa dins lo cèl!

Lo tròç de Pan del Besonh, balha-lo-nos cada jorn, Perdona-nos a nosautres, Coma perdonam atanben ('que perdonam atanben' en una autra version, la del Diccionari occitan illustrat) a los que nos faguèron quicòm, ('als que nos an fach quicòm' en una autra version, la del Diccionari occitan illustrat) Desliura-nos de l'Espròva, Desliura-nos de tot mal. ('Desliura-nos de Çò mal' en una autra version, la del Diccionari occitan illustrat)

Versions gasconas Version aranesa oficiala dins las glèisas de la Val d'Aran : Pair nòste qu'ès en cèu, sigue santificat/santificat sigue eth tòn Nòm; vengue a nosati eth tòn Règne; que se hèsque era tua volontat/volentat, atau ena tèrra coma en cèu. Eth pan nòste de cada dia da-lo-mos/da-mos-lo aué; (e) perdona es nòstes fautes, atau coma nosati perdonam es/as que/qui mos an fautat; (e) non mos dèishes quèir ena temptacion; e desliura-mos deth Mau Amèn.Senhor, ensenha-mos a pregar (Pregàries entàs mainatges) Bisbat d'Urgell, delegacions de litúrgia i catequesi

Version bearnesa :

Noste Pair qui ès au cèu,

que ton nom sia arreconegut

que ton regne arribe,

que toa volentat sia hèita

sus Tèrra com au cèu.

Da-nse uei lo pan de cad dia.

Perdona es nostes deutes,

com perdonam aus autes.

Ne'ns lèishes pas càder

en las temptacions,

Mès deliura'ns deu mau.

Atau sia.Version qu'es en la paret de la glèisa de Pater Noster de Jerusalèm

Version de Miquèu Grosclaude : Pair noste qui ès dens lo cèu, que ton nom se santifique, que ton renhe nos avenga, que ta volentat se hasca sus la tèrra coma dens lo cèu. Dona-nos uei noste pan de cada jorn, perdona-nos nostes deutes coma nosauts perdonam aus nostes debitors e hè que tombem pas dens la temptacion mès deliura-nos deu mau. Amèn.

Versions lengadocianas La version oficiala qu'es dins lo Missal occitan de 1979Missal occitan, amb un prefaci del cardinal Guyot, Institut d'Estudis Occitans, Tolosa, 1979 es aquela :

Paire nòstre que siás [sjès] dins lo cèl, que ton nom se santifique, que ton renhe nos avenga, que ta volontat se faga sus la tèrra coma dins lo cèl. Dona/dòna-nos nòstre pan de cada jorn, perdona-nos nòstres deutes coma nosautres perdonam als nòstres debitors e fai que tombèm pas dins la temptacion mas deliura-nos del mal. Atal siá.

Autra version en lengadocianhttps://documents.univ-toulouse.fr/150NDG/PPN00908276X.pdf Recueil de cantiques et de Noëls, traduits en languedocien ou patois de Montpellier:

Nòstre paire que sètz amont, santificat siá vòste nom, fasètz que vòstre règne avengue, vòstra volontat se mantegue, Fasètz que chacun a l'ostau, ajan uòi coma d'ordinari, lo pan que nos es necessari. Perdonatz-nos nòstras pecas, coma quau nos a ofensat, nosautres perdonam l'ofensa, e fasètz qu'en vòsta presença, Non seguem pus temptats coma sèm, mès gardatz-nos dau Diable. Amén.

Version en dialècte carcassés (sosdialècte):

Nòstre paire qu'ètz al cèl, que vòstre nom siá santificat, que vòstre reiaume nos arribe, que vòstra volontat siá faita sus la tèrra coma al cèl. Donatz-nos vuèi nòstre pan de cada jorn. Perdonatz-nos nòstras ofensas, coma nosautis perdonam aquelis que nos an ofensats. Non nos daishètz pas tombar dins la temptacion mès desliuratz-nos [delivratz] del mal. Atal siá.

Version en dialècte narbonés (sosdialècte):

Nòstre paire, que siátz [sjɔtz] al cèl, que vòstre nom siágue santificat, que vengue vòstre reinatge, que vòstre voler se fague al cèl amai en tèrra. Donatz-nos vèi lo pan de las jornadas. Perdonatz-nos nòstras ofensas coma las perdonam a los que nos an ofensats. Nos laissetz pas abauchar en temptacion, mas preservatz-nos de mala mòrt. Atal siágue.

Version en dialècte montpelhierenchttps://documents.univ-toulouse.fr/150NDG/PPN00908276X.pdf Recueil de cantiques et de Noëls, traduits en languedocien ou patois de Montpellier:

Nòstre paire que sès au Cèl, que vòstre Nom siágue santificat, que vòstre règne arribe, que vòstra volontat se fague sus la Tèrra coma au cèl; Donatz-nos uòi nòstre pan de chaca jorn, e perdonatz-nos nòstras ofensas, coma nautres perdonnam los que nos an ofensat, e, nos quitetz pas anar a la temptacion, mès deliuratz-nos dau mau. Atal siágue.

La traduccion de Frederic Gervais, montpelhierenc nascut en 1755 e mòrt en 1822:

Nòstre paire que sètz amont, santificat siá vòste nom, fasètz que vòstre règne avenga, vòsta volontat se mantega, sus la tèrra coma amondaut. Fasètz que cadun a l'ostau, ajan/ajam uòi coma d'ordinari, lo pan que nos es necessari. Perdonatz-nos nòstes pecats, coma a qui nos an ofensats [aufensats], nosautres perdonam l'ofensa [aufensa], e fasètz qu'en vòsta presença, Non siam pus temptats coma sèm, mès gardatz-nos dau Diable. Amèn.

Version provençala Paire nòstre que siás dins lo cèu Que ton nom se santifique Que ton regne nos avèngue Que ta volontat se fague sus la tèrra coma dins lo cèu Dona-nos uei nòstre pan de cada jorn Perdona-nos nòstrei deutes Coma nosautres perdonam a nòstrei debitors E fai que tombem pas dins la temptacion, mai deliura-nos dau mau. Que son tieus: lo Regne, lo Poder e la Glòria, ara e per l'eternitat. Amen.

Version lemosina

Version extracha dau libre La Lison dau Peirat de Monica Sarrasin.

Nòstre pair que setz dins los ciaus Que vòstre nom sia regraciat Que vòstre volontat sia facha Sus la terra coma dins los ciaus Balhatz-nos aüei nòstre pan jornadier Perdonatz-nos nòstres pechats Eschivatz-nos, si'us platz, las temptacions E gardatz-nos dau mau Entau sia.

Referéncias

Ligams extèrnes Sobre el parenostre (Simone Weil) (tradusit en catalan)

Categoria:Culte e liturgia crestians Categoria:Tèmas judèocrestians Categoria:Pregària catolica