thumb|right|250px|La Gioconda La Gioconda o Mona Lisa, es una pintura de Leonardo da Vinci, lo retrach mai famós de l'istòria e, benlèu, lo quadre mai conegut de la pintura occidentala. Es un retrach de mièg còs ont apareis una femna qu'agacha directament l'espectator amb una expression que sovent foguèt descrita coma enigmatica. Pintat entre 1503 e 1506 o 1507, es un òli sus taula d'albar de 77 × 53 cm retocat divèrses còps per l'autor. La tecnica utilizada foguèt l'esfumat (sfumato), procediment caracteristic de Leonardo. Lo quadre es proprietat del govèrn francés e es expausat al Musèu del Lovre de París amb lo títol Retrach de Lisa Gherardini, esposa de Francesco del Giocondo. Protegit per de multiplas sistèmas de seguretat dins de condicions de consevacion optimalas, es somés a un processus de revision constant per ne'n verificar e prevenir la deterioracion.
Referéncias
Categoria:Tablèu de Leonardo da Vinci Categoria:Òbra conservada al Lovre Categoria:Retrach Categoria:Tablèu del sègle XVI