Austau o Austòrg (VII) d'OrlhacI a mantes noms per aqueste trobador: Austau, Austòrc, Astòrg; d'Aorlhac, d'Aurilhac, d'Orlac, d'Auvèrnha. En francés es cridat Austorc d'Aurillac o Eustorge d'Aurillac; en latin es Austorgius de Auriliaco. La version normativa d'A(u)stòrc/A(u)stòrg es evidament en -g e pas -c (veire la lista dels prenoms occitans de l'Academia Occitana)., dit baron de Conros, es un trobador qu'òm pensa nascut cap a 1225 al Castèl de Conros a Arpajon sus Cèra e que tèsta lo 1èr de setembre de 1291 a Tolosa.
Biografia Èra lo filh d'Austau VI d'Orlhac e de Margarida de Malamòrt, e aviá un fraire, Durand de Montal, senhor de La ròca brou.
Lo 24 de junh de 1261, Austau e Durand son fraire, filh e eretièrs d'Austau d'Orlhac cavalièr, abandonan a Guilhèm de Montal, Guilhèm de Malamòrt e Malfre de Castelnau, gardians del testament de lor paire, la meitat dels revenguts de totas lors tèrras pendent tres ans per pagar los dreches, fraisses, amendas, deudas e almòinas deguts per la succession, l'act sagelat d'Uc, comte de Rodés, e d'Aimar, abat d'Orlhac. Foguèt armat cavalièr per Sant Loís lo jorn de Pentecòsta de 1267. Lo 12 de setembre de 1269 obten d'Anfós, comte de Peitieus e d'Auvèrnha, de letras al senescal de Roergue per constrénher Margarida de Malamòrt, sa maire de li tornar lo Castèl de Tinièras que se n'èra apoderat. Lo 22 d'agost de 1270 vend a son fraire Durand de Montal per sòls de Clarmont, tot çò que ten de l'abadiá dins las parròquias de Viescamp, Sant Estève, Sant Geron, Airens, Crandèlas, Itrac e Omps per seguir Sant Loís al moment de la Darrièra Crosada que ne tornèt rapidament. Aprèp 1274, dintra en guèrra contra lo novèl comte de Rodés qu'exigís d'el l'omenatge dirècte al vescomtat de CarlatDelzons, Jean-Baptiste de Ribier, La Salle de Rochemaure.
Òbras Òm a conservat d'el un sirventés fòrt polit e fòrt sevèr dins lo qual critica la leugieretat del clergat de son temps.
Nòtas e referéncias Bibliografia Duc de La Sala de Ròchamaura, Les troubadors cantaliens ( Los trobadors de Cantal...)
Nòtas
Veire tanben Lista de trobadors e trobairises
Categoria:Artista de l'Edat Mejana Categoria:Òme crosat Categoria:Trobador occitan Categoria:Literatura occitana Categoria:Escrivan occitan Categoria:Escrivan occitan del sègle XIII Categoria:Literatura occitana d'Auvèrnhe Categoria:Escrivan auvernhat Categoria:Carladés Categoria:Personalitat de Cantal Categoria:Cultura occitana Categoria:Personalitat de Tolosa Categoria:Decès en 1291 Categoria:Decès a Tolosa