L'arrondiment d'Auloron qu'ei ua division administrativa e ua anciana division electorau dinc a la fin de la Tresau Republica peus conselhèrs d'arrondiment e per l'eleccion deus deputats francesa situada en Bearn, dens lo departament deus Pirenèus Atlantics e la region de Navèra Aquitània, abans d'Aquitània. Las lengas autoctònas que son l'occitan gascon dens la varianta bearnesa e lo basco.
Istòria L'arrondiment que's creè en 1800. Que'u modifiquèn en 1926 quan dispareishón los ancians arrondiments de Maulion e d'Ortès.
Dab la refòrma cantonau de 2014, aplicada en 2015, lo nombre de cantons qu'estó dividit per dus, un canton navèth que pòt estar sus dus arrondiments.
En 2017, que modifiquèn la composicion deus arrondiments per tau de'us adaptar aus limits de las intercomunalitats e de las circonscripcions legislativas. L'arrondiment d'Auloron que perdó las comunas d'Abòs, Aubertin, Cardessa, Cuqueron, La Comanda, La Horcada, Luc, Monenh, Parbaïsa, Pardias e Tarsac, qui partín tà l'arrondiment de Pau. Que ganhè las comunas de Autarriba, La Bastida (Lauhire), Berencs, Carressa e Cassabè, Castanheda, Escòs, Lahontan, Lèren, Sendòs, Sent Pèr de Lèren e Salias, qui èran de l'arrondiment de Pau. La comuna occitana de Gestars que passè de l'arrondiment de Baiona a l'arrondiment d'Auloron https://www.sudouest.fr/2017/01/10/a-quoi-servent-donc-les-arrondissements-3089754-4316.php.
Composicion dinc a 2015 Abans 2014 l'arrondiment que's compausava de 12 cantons: Canton d'Acós Canton d'Aràmits Canton d'Arudi Canton d'Auloron Davant Canton d'Auloron Darrèr Canton de Laruntz Canton de La Seuva Canton de Maulion Canton de Monenh Canton de Navarrencs Canton de Sauvatèrra (Bearn) Canton de Tardets-Sorholus
thumb|center|450px|L'arrondiment d'Auloron en Aquitània abans 2015. L'imatge que musha l'arrondiment d'Auloron non tocava lo departament de las Lanas e adara si
Composicion de 2017 ençà Lo nombre de comunas qu'èra de 156. La modificacion deus arrondiments n'i cambiè pas arren. Mès pr'amor de la fusion énter Ansa e Hiars dens la comuna navèra de Ansa e Hiars, lo nombre qu'ei de 155 despuish 2017.
Nòtas e referéncias
Categoria:Pirenèus Atlantics Categoria:Arrondiment deus Pirenèus Atlantics Categoria:Arrondiment francés