thumb|250px|Sagèl de Gaston I Gaston I de Fois-VIII de Bearn (1287; 13 de decembre de 1315) foguèt comte de Fois, vescomte de Castèlbon, de Bearn, coprince d'Andòrra (1302-1315), vescomte de Marsan (1310-1315). Es filh de Rogièr Bernat III, comte de Fois, prince d’Andòrra e vescomte de Castèlbon, e de Margarida de Moncada, vescomtessa de Bearn.
Biografia Succedís a son paire lo 3 de març de 1302, jos la tutèla de sa maire perque a pas que tretze ans. Rejonh l’òst reial amb 100 cavalièrs e un milierats de sergents d’armas e, benlèu, a participat a la batalha de Courtrai, l'11 de julhet de 1302. Tornat dins sos estats, lucha contra son cosin german Bernat VI, comte d’Armanhac que li contesta Bearn., mas lo rei Felip lo Bèl los obliga a conclure la patz lo 25 de decembre de 1303.
Tòrna combatre pel rei en Flandra e participa a la batalha de Mons-en-Pélève lo 18 d'agost de 1304. Sas vilas foissencas se revòltan contra los agents reials que vòlon levar una ajuda per finançar la perseguida de las guèrras flamencas. Gaston sosten sos administrats e refusa de liurar los menaires. Aprèp una sasida parciala del comtat de Fois pel senescal de Carcassona, Gaston dintra en gràcia.
En 1308, es tornarmai en guèrra contra Armanhac, malgrat los òrdres contraris del rei. Gaston es convocat per aqueste darrièr e emprisonat al Châtelet. Lo rei li interditz tota guèrra privada e lo libèra contra una esmenda de liuras.
Eirita del vescomtat de Marsan en 1310, a la mòrt de sa tanta Constança de Moncada. Participa apuèi a una guèrra novèla contra Flandra, mas tomba malaut e morís a Maubuisson lo 15 de decembre de 1315.
Maridatges e enfants
Esposa a Senlis en octobre de 1301 Joana d’Artés (1289 † 1350), filha de Felip d’Artés, senhor de Conchas, e de Blanca de Bretanha. D'aquel maridatge son nascuts : Gaston II (1308 † 1343), comte de Fois e de Bigòrra e vescomte de Bearn Rogièr Bernat III (1310 † 1350), vescomte de Castèlbon Robèrt, evesque de Lavaur Margarida Blanca, maridada en 1328 a Joan II de Gralhí, captal de Buch Joana, maridada en 1331 a Pèire d'Aragon, comte de Ribagòrça e d'Ampúrias.
Annèxes Bibliografia Foundation for Medieval Genealogy : Gaston Ièr, comte de Fois
Articles connèxes Lista dels comtes de Fois comtat de Fois
Gaston 01 Gaston 01 Gaston 08 Fois Categoria:Personalitat dels Pirenèus Atlantics Categoria:Istòria dels Pirenèus Atlantics Categoria:Personalitat bearnesa Categoria:Istòria de Bearn