vinheta|200x200px|Lògo del Festenal Occitània 2025 L'Institut d'Estudis Occitans de Nauta Garona (IEO 31) organiza cada an lo Festenal Occitania pendent tot lo mes d'octobre, a Tolosa e dins sa region. Lo Festenal Occitania, creat en 1999, aguèt per tematica « Los Orients d’Occitània » de 2002 a 2007,« L'entre duas mars » entre 2008 e 2012, « Umanitat plurala » fins a 2017. L'Edicion de 2018 aguèt per tematica « Libertat, egalitat, frairetat, pluralitat » e en 2019, le festenal festejava sos 20 ans. En 2020, l'epidèmia del Covid-19 marca un còp d'arrèst a aquel festenal pluridisciplinari. La conjontura e de las dificultats dins la gestion associativa permeton pas al Festenal Occitania d'aver luòc fins 2022. Dins l'objectiu de relançar aquel festenal istoric e pluridisciplinari, una novèla equipa associativa e salariada prepausa al mes d'octobre de 2022 una version reducha del festenal, a l'entorn d'un vintenat d'eveniments. En 2023, e son 19 eveniments que son estats prepausats al public, principalament a Tolosa e a l'entorn de la vila). vinheta|260x260px Aquesta manifestacion es nascuda de la volontat de : Permetre a la creacion contemporanèa occitana, totas disciplinas confondudas, de rencontrar lo public mai larg. En efièch, dempuèi un desenat d'annadas, la creacion a l'entorn de la cultura occitana fa pròva d'una inventivitat susprenenta e d'un professionalisme remirable. Lo Festenal Occitània vòl èsser un esplech de difusion per aquesta creacion, tant sul plan nacional coma internacional. Aquesta desmarcha s'adreça tanben a las estructuras professionalas de programacion culturala. Metre en evidéncia los ligams de la cultura occitana amb las autras culturas. Las culturas coneisson pas de frontièra, las influéncias recipròcas son constantas e quitament necessàrias a la vitalitat de caduna d'entre elas. O mostrar, es participar a la coneissença, e quitament a la compreneson de l'Autre dins un esperit de dobertura maximala, es s'autorizar una vision apasimada de la diversitat culturala.
Ligam extèrne
Site oficial del festenal
Categoria:IEO 31 Categoria:Festenal occitan