Naoko Sano (Tòquio, 1970) qu'ei ua ensenhaira e cercaira japonesa en sociolingüistica e en francés.
Arron d'aver descobèrt l'occitan en Japon, que decidí de har ua partida deus sons estudis a l'Universitat de Montpelhièr entà poder apréner la lenga occitana. Que se'n declara amorosa e que ditz que l'a "miada tà un navèth camin".
En 2004, que miè tà tèrmi un estudi sus las motivacions de l'usatge de l'occitan auprès d'un escantilh de participants au cors La pluma e lo còr de la Chambra d'Òc. La medisha annada, que recebó lo Prèmi de la Vocacion provençala, autrejat per la Fondacion Loís Voland.
A l'òra d'ara, qu'ensenha a l'Universitat de Nagoya.
Bibliografia
SANO Naoko, Una lenga e un chamin, dab la collaboracion de Chambra d'Òc.
SANO Naoko, Vocabulari occitan-japonés, difusat en Occitània per IDECO.
Referéncias
Sano, Naoko Categoria:Naissença en 1970