Balmar – Gramont (Balma – Gramont en francés) es una estacion cap de la linha A del mètro de Tolosa, situada sus la comuna de Balmar dins la banlèga èst de Tolosa.
Situacion sul malhum L'estacion es lo terminus nòrd-èst de la linha A del mètro de Tolosa, après l'estacion Argolets.
Istòria L'estacion Balmar-Gramont dobriguèt lo 20 de decembre de 2003, après de trabalhs de perlongament de la linha A debutats en 2001. De l'obèrtura de la linha A en 1993 fins a 2003, lo terminus de la linha foguèt Bèlmont.
En 2013, l'estacion a conegut mai de 4,6 milions de validacions, ço qu'en fach la cinquena estacion de la linha A la mai frequentada. De mai, en 2016, l'estacion enregistrèt validacions, ço qu'en fach totjorn la 5e estacion sus 18 la mai frequentada, davant Esquiròl e darrièr Capitòli.
Servicis als viatjaires
Accès e acuèlh Es la sola estacion de mètro de la linha A implantada fòra de Tolosa. Es situada en efièch sul territòri de la comuna de Balmar, vila de banlèga èst, prèp d'un giratòri ont s'encontra las rotas d'Agde e de La Vaur, la carrièra Sant Joan e lo camin de Gabardie. Es çaquelà situada a qualques desenas de mètres del territòri de la comuna de Tolosa.
L'estacion es accessible per doas intradas : l'una al nivèl de la gara d'autobús, del costat de la carrièra Sant Joan, e l'autre del costat del centre comercial. Aquestas doas intradas totalizan doas ascensors, doas escalièrs e doas escalièrs mecanics. L'estacion es equipada de cais laterals amb dotze pòrtas li permetent de recebre de ramas de 52 m de quatre veituras.
Dessèrta Coma dins l'ensemble del mètro tolosenc, la primièra partença de l'estacion e de l'autre cap de linha, Bassa Comba, es a 5h15, e la darrièra es a 0h del dimenge al dijòus, e 3h lo divendres e dissabte.
Intermodalitat L'estacion es desservida per las linhas Tisséo 20, 51, 68, 72, 83, 84, 101, 102 e 103, per la linha a la demanda 106, e per las linhas del malhum interurban Arc-en-Ciel Hop!304, 353, 376 e 381.
L'estacion possedís tanben lo primièr parcatge relai del malhum de transpòrts en comun de Tolosa, ambe 1462 plaças.
Arquitectura vinheta|Potz de lum, dins la sala dels bilhets, ambe l’òbra d'art associada a l'estacion. L'òbra d'art unica associada a l'estacion es un jardin circular plaçat al sen d'un grand giratòri, jos lo nivèl del sòl. Es visible dempuèi lo hall de l'estacion gràcias a de grandas fenèstras. Aquesta òbra foguèt realizat par Jean-Michel Othoniel.
A l'entorn
Centre comercial Auchan Occitània Zòna d'activitat Prat-Gimont e Vidalhan Periferic de Tolosa, sortida 15
Nòtas e referéncias
Vejatz tanben
Articles ligats
Mètro de Tolosa Linha A del mètro de Tolosa Transpòrts en comun de Tolosa
Ligams extèrnes
Presentacion de l'estacion Balmar – Gramont e de son œuvre d'art per Tisséo Presentacion de las tres estacions del prolongament de la linha A per Séquences Architectes site sus l'occitan dins lo Mètro de Tolosa
Categoria:Linha A del mètro de Tolosa