right|thumb|Insulíndia Insulíndia o l'Asia del Sud-Èst insulara, ancianament nomenada Malàisia, Archipèla Malai o Archipèla Indian, es un grand archipèla montanhós que s'espand entre Asia e Oceania e que compren los païses e territòris seguents : Brunei ; Indonesia, levat la Nòva Guinèa Occidentala ; las Filipinas ; Timòr Èst ; la Malàisia orientala (situada sus l'Illa de Bornèo), es a dire los Estats de Sarawak e de Sabah e lo districte federal de Labuan ; lo territòri indian d'Andaman e Nicobar.
Aquel archipèla compta atal dos milions de quilomètres carrats, çò que ne fa lo pus espandit de la tèrra. Se pòt dividir en dos ensembles. Al sud, l'arc malai regropa las Illas Andaman e Nicobar e las Illas de la Sonda (Sumatra, Java, Bali, Lombok, Sumbawa e Florès). A l'èst, las Filipinas, Celebas e las Molucas forman un autre arc. Entre los dos, se tròba l'Illa de Bornèo.
Insulíndia foguèt alara considerada coma una de las tres partidas d'Oceania, amb Melanesia e Polinesia. Uèi, la restacan pus sovent a Asia, pus precisament a l'Asia del Sud-Èst.
Culturalament, se parla d'Asia del Sud-Èst « insulara e peninsulara » per enclure la peninsula de Malaca e tota Malàisia.
Vejatz tanben Lengas austronesianas Lengas papós Indochina
Categoria:Archipèla de l'ocean Indian Categoria:Archipèla de l'ocean Pacific Categoria:Archipèla d'Indonesia Categoria:Archipèla de las Filipinas Categoria:Archipèla de Malàisia Categoria:Archipèla d'Índia Categoria:Archipèla de Brunei Categoria:Archipèla de Timor Èst Categoria:Mond malai Categoria:Region d'Asia Categoria:Geografia de l'Asia del Sud-Èst