RamonLas formas Ramond e Raimon son tanben posssiblas en occitan II Trencavèl (v. 1204 - v. 1263/7), membre de l'ostal de Trencavel, cercarà durant mantun ans de recuperar las possessions que la crosada albigesa aviá espoliat al sieu paire. S'oposèt mai d'una vegada a Amalric de Montfòrt, filh de Simon de Montfòrt, alavetz establit subre los ancians domenis dels Trencavels.
Raimon es encara jove, quand los crosats fan lo sètge de la ciutat de Carcassona, alavetz tenguda pel sieu paire Ramon Rogièr Trencavel en 1209. A la presa de la ciutat, Simon de Montfòrt, cap militar de la crosada, farà empresonar Ramon Rogièr dins sos pròpris crotons. A la mòrt d'aqueste, lo 10 de novembre de 1209, Simon de Montfòrt, que sollicitava los territòris dels Trencavels, faguèt signar a Agnès de Montpelhièr, la molhèr del defunt, una renonciacion subre los sieus dreits e los de son filh. En contrapartida, recebèt una renda viatgièra de tres mil sòus e lo remborsament subre un an, realizat en quatre pagaments, de sa dòt que pujava a vint-e-cinc mila sòus. Raimon foguèt alara fisat a la tutèla del comte Ramon Rogièr de Fois. Nòtas
Categoria:Naissença en 1207 Categoria:Decès al sègle XIII Ramon II Categoria:Noblesa occitana Categoria:Vescomte d'Albi Categoria:Vescomte de Besièrs Categoria:Vescomte de Carcassona Categoria:Vescomte de Rasés Categoria:Camp occitan de la Crosada dels Albigeses Categoria:Cavalièr faidit Categoria:Crosat de la Setena Crosada