La Sauvetat de Dròt (La Sauvetat-du-Dropt en francés) es una comuna agenesa de Guiana, administrada per lo departament d'Òut e Garona de la region de Novèla Aquitània, ancianament d'Aquitània.
Geografia
vignette|upright=1.8|centre|Comunas a l'entorn.
Perimètre deu territòri
Toponimia La prononciacion es [la,ʃawe'ta de 'dro]. Las fòrmas ancianas son prioratus de Salvitate de Calvimontis, en latin, en 1305, prior de Salvitate Caumontis, en latin, en 1309, prior et capella de Salvitate de Calvomonte, en latin, en 1326, prior Salvitatis Caumontis, rector ejusdem, en latin, en 1520. Durengues explica que, en francés, se disiá La Sauvetat de Caumont avant la Revolucion e La Sauvetat du Dropt après Bénédicte Boyrie-Fénié, Dictionnaire toponymique des communes, Lot-et-Garonne, ed. CAIRN e Institut Occitan, Pau, 2012, p. 265-266.
Lo nom, deu latin salvitas, es totjorn d'origina medievala, e puslèu deus sègles XI e XII. Las salvetats èran a l'Edat Mejana, en Occitània, de zònas de refugi creadas per la Glèisa catolica e delimitadas a l'entorn d'una glèisa. Garantissián lo drech d'asile, dins lo quadre de la Patz de Diu. Avián un ròtle de pòblament e de colonizacion de las tèrras verges Albert Dauzat, Charles Rostaing, Dictionnaire étymologique des Noms de Lieux en France, Librairie Guénégaud, reedicion 1984, p. 640, a La SalvetatBénédicte Boyrie-Fénié, Jean-Jacques Fénié, Toponymie des Pays Occitans, edicions Sud-Ouest, 2007, p. 297. Lo determinant Caumont, qu'aviá lo sens de calvo monte en latin, « mont pelat », donc sense vegetacion (sense aubres), probablament perqué fuguèt desboigat, èra un luec dejà poblat quand una sauvetat se fondèt a costat; lo nom s'es perdut desempuèi e la mapa de Cassini lo senhala pas. Dins un usatge local, se ditz simplament La Sauvetat e la quita mapa de Cassini pòrta pas de determinant a La Sauvetat https://www.geoportail.gouv.fr/donnees/carte-de-cassini.
Istòria
1èr de junh 1637 : batalha de La Sauvetat, victòria deu duc de La Valeta contra los Crocants (un milièr de Crocants fuguèren tuats). Aus sègles XVII e XVIII, i aviá pas de desequilibri entre l'importància de La Sauvetat, la d'Alemans e la de Miramont; la vila pus granda a l'entorn èra Aimet. Lo camin grand de Brageirac a las Landas passava per Aimet, La Sauvetat per la riba drecha de Dròt, Alemans, Cambas, Escassafòrt e Senta Baselha. La futura D 933 existissiá pas https://web.archive.org/web/20181031215103/https://gallica.bnf.fr/ark:/12148/btv1b77101733/f1.item.zoom. Aquò's pas qu'au sègle XIX que Miramont venguèt un grand caireforc e una vila importanta e que La Sauvetat e Alemans perdèron tot caractèr urban.
Administracion
La Sauvetat èra deu canton de Duràs. Dempuèi la refòrma cantonala de 2014, aplicada en 2015, es deu canton deus Tuquets de Guiana. De 1793 a 1801, fuguèt canton http://cassini.ehess.fr/cassini/fr/html/fiche.php?select_resultat=24289.
Demografia
La ficha Cassini es faussa per 1793 (confusion emb La Sauvetat de Savèra). La municipalitat de 1793 compreniá La Sauvetat, Izaac, Puysserampion et Aignac, siá La Sauvetat, Sent Perdon e Eisac, Puèg Arampion e Anhac. Lo nombre de 1433 abitants per totas aquelas comunas sembla bas, mès lo de 2800 donat per La Sauvetat de Savèra sembla tròp naut. Conferir http://cassini.ehess.fr/cassini/fr/html/fiche.php?select_resultat=35589 emb http://cassini.ehess.fr/cassini/fr/html/fiche.php?select_resultat=34547. En la populacion èra de abitants e la densitat èra de ab/km²
Luecs e monuments
Personalitats ligadas emb la comuna
Veire tanben Comunas d'Òut e Garona Ligams extèrnes
Nòtas
Categoria:Comuna d'Agenés Categoria:Comuna de Guiana Categoria:Comuna d'Òlt e Garona Categoria:Comuna de Marmandés