Jèp de Montoya Parra (Les, Val d'Aran, 13 de setembre de 1959) es un escrivan e erudit occitan de la Val d'Aran. Es president de l'Institut d'Estudis Aranesi (dempuèi lo 10 de mai de 2007) e de l'Associacion Prefigurativa a l'Organisme de Regulacion de la Lenga Occitana (APORLÒC), dempuèi lo mes de genièr de 2009. Tanben es membre del Grop de Lingüistica Occitana, de l'Institut d'Estudis Araneses-Acadèmia Aranesa de la Lenga Occitana e de mantuna institucion aranesa.
Son ostal, Çò de Jèp de Montoya, qu'es un dels mai ancians de Les, es estat classificat dins l'Inventari del Patrimòni Arquitectonic de Catalonha.
Biografia Jèp de Montoya entamenèt sa carrièra literària plan jove e se ganhèt en 1976 lo primièr prèmi de pròsa de jovent dins lo concors literari aranés de la Fondacion deth Musèu Etnologic dera Val d'Aran. Tre aquel moment,sa produccion quitèt pas de créisser e recebèt divèrsas recompensas a la Val d'Aran e tanben dins lo demai del territòri occitan. Participèt a l'Escolo deras Pireneos, una institucion felibrenca e publiquèt mantas òbras e trabalhs dins un bèl nombre de revistas occitanas coma per exemple la Bouts dera Mountanho, la Revue de Comminges, la revista Aran que ne foguèt cofondador. Son òbra màger es lo Vademecum Aranense, un recuèlh de tèxtes de las tèrras aranesas del fins al . En 2000 recebèt lo Prèmi Jean Marie Grangé de l'Acadèmia dels Jòcs Florals de Tolosa. Participa activament dins mantuna produccion de promocion lingüistica del Grop de Lingüistica Occitana, e amb Miquèu Segalàs a elaborat un Vocabulari bàsic català occità, que publiquèt la Generalitat de Catalonha en 2010. A mai a collaborat al libre Comminges et Val d'Aran vus du ciel, publicat en 2002.
Amassa amb d'autres occitanistas, lo 21 d'abril de 2010 Jèp de Montoya compareguèt al Parlament de Catalonha coma President de l'Institut d'Estudis Aranesi dins l'encastre del debat sus la Lei de l'aranés.
Salvagarda, recuperacion e renovacion del patrimòni aranés Dempuèi fòrça temps Jèp de Montoya ten una implicacion constanta dins la mesa en valor del patrimòni de la Val d'Aran, qu'un dels exemples mai notables es son quite ostal, Çò de Jèp de Montoya. Aital, entre 2009 e 2015 participèt a l'estudi e inventari de vestigis de la preistòria, amassa amb l'istoriana e escrivana Isaure Gratacòs, trobats dins mantes endreches del país (Beret, Vaquèira, Vacivèr, Marimanha, Bonaigua, Porera e Horcalh). Collaborèt tanben a la restauracion dels relòtges ancians del campanals de Garòs, Escunhau, Arró, Betren, Vilac e Les amb lo fisician anglés Howard Bradley e sa femna Wendy de 2011 a 2015.
Òbras 1999: Vademecum Aranense: Era Val d'Aran a trauèrs era sua lengua 2010: Vocabulari bàsic català occità amb Miquèu Segalàs
Referéncias
Ligams extèrnes Visita amb los membres de l'APORLÒC de l'Euskaltzaindia Article de Jèp de Montoya dins lo jornal Segre aprèp l'aprovacion de la Lei de l'Occitan Eth Musèu dera Val d’Aran commemore es sòns 40 ans d’istòria!. Musèus dera Val d'Aran, 4.5.2024 Trobada amb la Secció Filològica de l'IEC a la Vall d'Aran: 10 anys de l'Acadèmia Aranesa dera Lengua Occitana. Institut Ramon Muntaner, 14.5.2024 Eth maitin d'Aran - 10 ans dera Acadèmia Aranesa dera Lengua Occitana. 3Cat. 15.5.2024 Amassada damb Ernest Urtasun, ministre de Cultura. Institut d'Estudis Aranesi, 6.6.2024 Dètz ans dera Acadèmia Aranesa. Sapiéncia Occitana, 5.6.2024 Amassada deth Conselh Nacionau dera Lectura. Institut d'Estudis Aranesi, 6.6.2024 target=_blank Conferéncia«Arán, una lengua y un país». Sant Joan de Toran, 11.05.2024. Presentacion deth libre «A la recerca de l'obra perduda» d'Albert Velasco, per Jèp de Montoya. Arties, 31.03.2023 «Er aranés, lengua oficiau en Catalonha», conferéncia de Jèp de Montoya. Universitat de Barcelona, 18.5.2023 Un cafè amb... en Jèp de Montoya Parra. CAÒC, 15.6.2023 Era Acadèmia - Acte public. Betren, 27.9.2023 Plan d’Arrem: On s’agafa el tren a la Vall d’Aran?. País Invisible, 16.12.2023 Eth president der IEA presente es darrèri projèctes dera Acadèmia Aranesa dera Lengua Occitana. GUM FM, 27.12.2023 Era Querimònia-En guàrdia!. 3Cat, 12.11.2022 Era Querimònia-En guàrdia!. 3Cat, 12.11.2022 Conferéncia d’inauguracion des classes d’occitan aranés en Madrid. Aran Noticies, 6.10.2022 Eth maitin d'Aran- 3Cat, 5.7.2022 Val d'Aran. Territori històric. LleidaTV, 10.7.2020 Eth Conselh de Politica Lingüistica der Occitan Aranés s’amasse ena sedença deth Departament de Cultura. Conselh Generau d'Aran, 27.3.2019 Presentacion en Madrid dera Acadèmia Aranesa dera Lengua Occitana. Conselh Generau d’Aran, 30.9.2016 Exposicion: Aranés, er occitan de Catalonha
Montoya, Jèp de Montoya, Jèp de Categoria:Naissença en 1959