Natalís Cordat (abans 1610 - 1663), vadut alentorn de Cuçac, on se morit de "fèbre cauda", èra un poèta, nadalista e musicaire occitan de l'atge barròc, d'expression occitana (parlar dau Velai) e francesa.
Vicari de la parròpia de Cuçac, Tarrèiras e Malpàs en Velai, sabem pas gran causa sus sa formacion, autant musicau coma literària. Egau, apareish coma una evidéncia qu'estut format, au vist dau nivèu de sas coneishenças literàrias e poeticas.
Sos nadaus, en occitan e en francés, amb timbres musicaus, son servats a la Bibliotèca Universitària de Clarmont d'Auvèrnhe, dens un manuscrit.
Categoria:poèta auvernhat Categoria:Escrivan occitan del sègle XVII Categoria:Musician occitan Categoria:escrivan barròc