Bauduen (Bauduen en francés)) es una comuna rurala provençala situada dins lo nòrd dau departament de Var e la region de Provença-Aups-Còsta d'Azur. Es pròcha dei Gòrgas de Verdon e dau Lac de Santa Crotz.
Lo vilatge actuau es eissit dau Balduini Castri, mencionat per lo premier còp dins un cartulari de l'abadiá Sant Victor de Marselha en 1060. L'istòria dau luòc foguèt pauc trebolada. De 1255 a 1437, una abadiá de canongessas foguèt establida a proximitat dau vilatge, mai lo bastiment foguèt finalament abandonat. Durant lei guèrras de religion, en 1549, lo vilatge foguèt destruch après un conflicte entre lo senhor locau e leis abitants. Au sègle XIX, de molins de papier son mencionats, mai aqueleis installacions foguèron abandonadas durant lo sègle XIX. Puei, l'exòde rurau entraïnèt una importanta baissa de la demografia, de 982 abitants en 1821 a 131 en 1968. Après aqueu minimom, lo desvolopament dau [(torisme]] e l'installacion permetèron una aumentacion progressiva dau nombre d'abitants que s'es estabilizat a l'entorn de 300 despuei lo començament dau sègle XXI.
Liames intèrnes
Comunas de Var. Gòrgas de Verdon.
Categoria:Comuna de Provença Categoria:Comuna de Var