L'Associació per a la Defensa de la Natura (ADN), es una organizacion andorrana que nasquèt en 1986 en resulta de la preocupacion d'un grop de personas per son environament. Es una ONG qu'a per objectius la proteccion e l'estudi de la natura a Andòrra. L'ADN a l'intencion de realizar sos objectius en seguir tres linhas essencialas d'intervencion: CONSERVACION, RECÈRCA, e DIVULGACION.

Conservacion L'ADN pòrta a tèrme d'accions dirèctas de conservacion de la natura: Promòu un ordenament del territòri qu'a per tòca de racionalizar la preséncia umana (industriala, toristica, etc.) dins las Vals d'Andòrra Trabalha per tal de crear d'espacis naturals protegits, tot en suggerir d'airals, de mesuras de gestion, de formas d'aprofechament durable, etc. Velha a la sauvagarda d'espécias en perilh, tant los animals coma los vegetals Reivindica de solucions eficaças pels problèmas de pollucion e de residus. Collabòra amb d'autras institucions pr'amor de crear, d'adaptar e de far aplicar las leis de proteccion de l'environa.

Recèrca L'ADN contribuís a la recèrca sus l'environament e sa proteccion: Promòu e desvolopa de trabalhs scientifics que seràn la basa de proposicions e d'accions conservacionistas. Estúdia los elements naturals mens coneguts del país d'Andòrra, en analisar sa situacion e en prepausar de mesuras per sa proteccion.

Divulgacion L'ADN ensaja de far descobrir e apreciar la natura e per aquesta rason: Organiza: De sortidas educativas guidadas en montanha e dins d'espacis naturals protegits De conferéncias, de collòquis e de debats. D'accions d'educacion environamentala, amb una basa scientifica solida, en coordinacion amb d'autras institucions. Edita e espandís: De publicacions divulgativas sul patrimòni natural andorran e la necessitat de lo preservar. La revista periodica AIGÜEROLA

Collaboracions Es lo representant de BirdLife International a Andòrra.

BirdLife es l'organizacion mondiala mai importanta per çò qu'es de l'estudi e la proteccion dels aucèls e sos abitats.

Manten de contactes e d'escambis amb mantuna organizacion internacionala d'objectius semblants.

Organiza, e participa a, de simpòsis e de congrèsses d'encastre internacional .

Nòtas

Ligams extèrnes Son sit: http://www.adn-andorra.org Son blòg: http://adnandorra.wordpress.com

Categoria:Andòrra Categoria:Ecologia